მოგვიახლოვდა ზაფხულის სეზონი, თბილი ამინდები ჯერ აგვიანებს, თუმცა ტურისტების მიმოსვლა უკვე ქალაქში შეიმჩნევა. ტურისტული ატრაქციებიც უფრო მეტად მოთხოვნადი ხდება მათ შორის ისეთები რომლებიც დედაქალაქის ტურისტული პოტენციალის პოპულარიზაციას უწყობს ხელს. ერთ-ერთი ასეთი Air balloon Tbilisi-ა რომელიც, ნებისმიერ მსურველს 150 მეტრ სიმაღლიდან ქალაქის ხედებით ტკბობის საშუალებას აძლევს. მართალია პროცესს სეზონურობა არ გააჩნია და ამ გამოცდილების მიღება წლის ნებისმიერ პერიოდშია შესაძლებელი, თუმცა კარგი ამინდები ატრაქციისთვის უმნიშვნელოვანესი ფაქტორია. როგორ დაიწყო სეზონი კომპანიისთვის, რა სიახლეებია? მეა კაპანაძე - Air balloon Tbilisi-ს დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ქართული კომპანია- 100% ბამბა ბავშვობის მთავარ ტკბილეულს - ბამბის ნაყინს საწარმო დონეზე ქმნის. ანუ ტრადიციულად, ქუჩის ტკბილეულმა დღეს საწარმოში გადაინაცვლა. ბამბის ნაყინი ალბათ ძალიან ბევრი ადამიანის ბავშვობასთან ასოცირდება თუმცა მაშინ ერთი ტრადიციული გემო ჰქონდა ამ ტკბილეულს და არჩევანიც ნაკლები იყო. 100% ბამბამ კი მოახერხა რომ ისეთი გემოები შექმნა, როგორიც აქამდე ბაზარზე თითქმის არ იყო და ეს ტკბილეული კიდევ უფრო გემრიელი და სახალისო გახადა. სტუმარი: ნატა ნათაძე - "100% ბამბა", დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
MICE & TOURISM around the world გლობალური ყოველთვიური ელექტრონული ჟურნალია - საქმიანი, ბიზნეს, გამოფენების, და საავიაციო ტურიზმის მიმართულებით. ჟურნალი 1997 წელს დაფუძნდა და იგი ერთ-ერთი ყველაზე უნიკალური და უჩვეულო ელექტრონული ჟურნალი გახდა, რომელმაც მიაღწია მზარდ ტირაჟს და მდგრადობას მისი პირველივე გამოცემიდან. სასიხარულოა, რომ MICE & TOURISM around the world-ის დამფუძნებელი და რედაქტორი საქართველოს სტუმრობს, მიზანი კი ქვეყნის ტურისტული პოტენციალის გაცნობა და ამ ყველაფრის უფრო დიდ აუდიტორიამდე მიტანაა. სტუმარი: დიმიტრი ლასპას - MICE & TOURISM around the world, დამფუძნებელი და რედაქტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
სტარტაპი ჰოთ ქარდი საქართველოს ბაზარზე 2021 წელს გამოჩნდა, რომელიც მომხმარებელს ექსკლუზიურ 1+1 აქციებს სთავაზობს. სპეციალური შეთავაზებები კომპანიის პარტნიორ რესტორნებში, ბარებში, კაფეებში, სილამაზის ცენტრებში და სხვა არაერთ ობიექტში ვრცელდება. ანუ იყიდე ერთი და მიიღე მეორე - ეს არის ჰოთ ქარდის მთავარი კონცეფცია, ბენეფიტი, რომლითაც უკვე საკმაოდ ბევრი ადამიანი სარგებლობს. რა შედეგები აქვს ჰოთ ქარდს და როგორ მუშაობს აპლიკაცია რეალობაში? სტუმარი: ქეთანა სტურუა - Hot Card-ის სოციალური მედიის მენეჯერი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
კომპანია „ტოტოს ლავანდები“ საგურამოსთან ახლოს - ლავანდების ბაღს, წარმოებას და მაღაზია სახელოსნოს აერთიანებს. ადგილზე შესაძლებელია როგორც ლავანდების ნერგების, ასევე ყველა იმ პროდუქციის მათ შორის ეთერზეთების და თავის მოვლის საშუალებების შეძენა, რომელსაც "ტოტოს ლავანდები" აწარმოებს. სტუმარი: ნინო სანიკიძე -"ტოტოს ლავანდები", დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
მიმდინარე წელს, ცხელი სეზონი იგვიანებს, თუმცა მოგვიახლოვდა პერიოდი, როდესაც ყველასათვის ერთ-ერთი საყვარელი ტკბილეული - ნაყინი უფრო მოთხოვნადი ხდება. ბევრი ქართული კომპანია მომხმარებელს ნაყინის მრავალფეროვან გემოებს სთავაზობს. მათ შორის ერთ-ერთი ასეთი ბურატინოა, რომელმაც ბაზარზე სიახლის შემოტანა დაისახა მიზნად. კომპანია სამი წელია საქართველოში ნაყინის მოყვარულებს ტაილანდურ შემწვარ ნაყინს სთავაზობს. გემოების არჩევანთან ერთად - მომხმარებელს აქვს საშუალება სასურველი შემადგენლობის ტკბილეული თავადვე შექმნას. სტუმარი: ნათია ჯოხარიძე - "ბურატინო", თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
“მადამ სომელიეს” ორგანიზებით საქართველოში “საერთაშორისო ღვინის მარკეტინგისა და მედიის ფორუმი 2025“ გაიმართება. ეს არის პირველი ღონისძიება საქართველოში, რომელიც აერთიანებს ღვინის მარკეტერებს, ბლოგერებს, ინფლუენსერებს, დარგის სხვა პროფესიონალებსა და ექსპერტებს, ერთ-ერთი მიზანი კი გლობალური ღვინის მარკეტინგის აწმყოსა და მომავლის გაცნობაა. სტუმარი: ნინი ქინქლაძე - “მადამ სომელიე”, დამფუძნებელი, სომელიე #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ზაფხულის, ცხელი სეზონის მოახლოებასთან ერთად, ბუნებაში განტვირთვა საუკეთესო არჩევანია. თუ მწვანე, ეკოლოგიურად სუფთა გარემოს ძიების პროცესში ხართ - ორბეთის მწვანე სივრცე არ უნდა გამოგრჩეთ, რომელიც ერთგვარი თავშეყრის ადგილია, განსაკუთრებით კომპანიებისთვის და მათი გუნდის წევრებისთვის. ორბეთის მწვანე სივრცე კომპანიებში გასვლითი ე.წ თიმბილდინგების გამოცდილებას ქმნის და რაც ყველაზე მთავარია პროცესს სასიამოვნო აქტივობები ერთვის. მოკლედ, ამ სასიამოვნო გარემოში თბილისიდან სულ რაღაც 30 წუთში მოხვდებით, რაც დამატებითი კომფორტია. ორბეთის მწვანე სივრცემ პირველ მომხმარებელს კარი დაახლოებით 2 წელია გაუღო. რა ამბები დაგროვდა ამ პერიოდის განმავლობაში? სტუმრები: ნატალი ნონიაშვილი - “ორბეთის მწვანე სივრცე”, დამფუძნებელი ბექა ონიანი - “ორბეთის მწვანე სივრცე”, დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
,,საქართველოს ცელიაკიის ეროვნული ასოციაცია“ ,,ევროპის ცელიაკიის საზოგადოებების ასოციაციის“ მხარდაჭერით, მაისის თვეს ცნობიერების ამაღლების კამპანიას უთმობს. 16 მაისს საბავშვო ღონისძიება თბილისში გაიმართება, სადაც პატარებს ზღაპრულ თავგადასავალში ამოგზაურებენ და მრავალფეროვან ღონისძიებებში ჩართავენ. სხვათა შორის, ასოციაციამ უკვე გაწერა ივნისის თვის დღის წესრიგი, კერძოდ მათი ეგიდით 7 ივნისს ბათუმში, ცელიაკიის მე-3 საერთაშორისო კონგრესი გაიმართება, სახელწოდებით -,,რის ნიშნავს ცელიაკიის სკრინინგი? აჭარის რეგიონის ქართული და ევროპის იტალიური გამოცდილება”. რაც შეეხება თავად ცელიაკიის ასოციაციას, ის 3 წლის წინ ცელიაკიის მქონე ბავშვების დედების მიერ დაფუძნდა და მას შემდეგ აქტიურად ახორციელებს ცნობიერების ამაღლების კამპანიას როგორც ქვეყანაში, ისე მის ფარგლებს გარეთ. გეტყვით იმასაც, რომ ცელიაკია აუტოიმუნური დაავადება, რომლის დროსაც ადამიანს ეკრძალება გლუტენის შემცველი მარცვლეულის მიღება, როგორებიცაა, მაგალითისთვის, ხორბალი, ჭვავი და ქერი. წინააღმდეგ შემთხვევაში, ზიანდება ცელიაკიის მქონე ადამიანის წვრილი ნაწლავი, რაც დამატებით სხვა დაავადებების წარმოქმნის რისკს ქმნის. სტუმარი: ქეთი ტაბატაძე - "საქართველოს ცელიაკიის ეროვნული ასოციაცია", დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ფარისებრი ჯირკვლის დაავადებები სამწუხაროდ, მთელ მსოფლიოში საკმაოდ გავრცელებული პრობლემაა და გამონაკლისი, არც ჩვენი ქვეყანაა. მეტი სიცხადისთვის, ამერიკის თირეოდოლოგთა ასოციაციის 2024 წლის მონაცემებს რომ გადავხედოთ, მოსახლეობის 12%-ზე მეტს ფარისებრი ჯირკვლის სხვადასხვა სახის დაავადება აღენიშნება და ამავე კვლევის თანახმად, დაავადების გავრცელების ალბათობა დაახლოებით 8-ჯერ უფრო მაღალია ქალებში, ვიდრე კაცებში. რა იწვევს ფარისებრი ჯირკვლის დაავადებებს და თუ არსებობს პრევენციის გზები, მისგან თავის დასაცავად? სტუმარი: თამარ კუპრეიშვილი - ენდოკრინოლოგი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
958,947 ტურისტული ვიზიტი და 826 მილიონი დოლარის შემოსავალი საერთაშორისო მოგზაურობიდან - ასეთია საქართველოს ტურიზმის პირველი კვარტალის ოფიციალური შედეგები. ორივე შემთხვევაში წლიური ზრდა 2.5%-მდეა. აღსანიშნავია, რომ პანდემიამდელ 2019 წელთან შედარებითაც, ტურისტული ვიზიტები და შემოსავლები გაზრდილია, მაგრამ საერთაშორისო ვიზიტორების ჭრილში - არა. რამდენად გრძნობა ტურიზმის სფერო გაზრდილ მაჩვენებლებს და რამდენად ემთხვევა რიცხვები და აღქმები ერთმანეთს - ამ თემაზე ვისაუბრებთ დღეს სტუმართან ერთად . თუმცა მანამდე გეტყვით იმასაც, რომ ამავე სტატისტიკის თანახმად, ევროკავშირის 27 ქვეყნიდან შესრულებული ვიზიტების მიხედვით, კლების ტენდენცია ამ პერიოდში 15 ქვეყნიდან ფიქსირდება - ჯამში 4%-ით, რაოდენობაში, ხოლო 5%-ით შემოსავლებში. აღსანიშნავია ისიც, რომ TOP-15 ქვეყანას შორის, საიდანაც საქართველოს ყველაზე მეტი ვიზიტორი ეწვია, ევროკავშირის მხოლოდ ორი ქვეყანა გვხვდება - გერმანია და პოლონეთი და ორივე ქვეყნიდან, ვიზიტორების კლება ფიქსირდება. სტუმარი: ვიკა შარია - “ოდა დიემსის" დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
დუშეთის რაიონში, სოფელ ოძისში, დე ფაქტო საზღვრისპირა სოფელში ეკოტურისტული ობიექტი 2020 წლის თებერვალში დაარსდა, თავდაპირველად მათი საქმიანობის სპექტრი მხოლოდ ჩაის რეალიზებას მოიცავდა, თუმცა 2022 წლიდან კომპანია მომსახურების სექტორშიც გადავიდა. დღეისთვის “თიგის სახლი” ფერმიდან-სუფრამდე კონცეფციაზე დაყრდნობით ოპერირებს და სტუმრებს აძლევს შესაძლებლობას სასოფლო სამეურნეო და კულინარიულ აქტივობებში მონაწილეობა მიიღონ. სტუმარი: ნინო თიგიშვილი - “თიგის სახლის” დამფუძნებელი ➡️ #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
შრომის ბაზარზე ბოლო პერიოდში ტენდენციები შეიცვალა. თუკი წინა წლებში ბიზნესი მუდმივად ეძებდა კადრებს, ახლა ნაკლებად აქტიურობს. ამას დასაქმების პლატფორმების სტატისტიკაც მოწმობს. მაგალითად, დასაქმების პლატფორმა jobs.ge-ზე ვაკანსიების რაოდენობა პირველ კვარტალში თითქმის 16%-ით შემცირდა, მხოლოდ მარტში გამოქვეყნებული ვაკანსიების რაოდენობაში 17.7%-იანი კლებაა. 11%-ით არის შემცირებული ვაკანსიების რაოდენობა HR.GE-ს პლატფორმაზეც, სადაც განმარტავენ, რომ წინა თვეებთან შედარებით აპრილში შედარებით გამოცოცხლებაა, თუმცა წინა წელთან შედარებით ბიზნესი კადრებს აპრილშიც ნაკლებად ეძებს. ამის პარალელურად გეტყვით იმასაც, რომ საქსტატის მონაცემებით, საქართველოს ეკონომიკა მარტის თვეში 9%-ით გაიზარდა, 2025 წლის პირველ სამ თვეში კი ზრდამ 9.3% შეადგინა. შესაბამისად, ჩნდება კითხვა, როგორ აიხსნება ვაკანსიების შემცირება ეკონომიკური ზრდის პარალელურად? სტუმარი: ინგა შახბაზიანი - hr.ge-ის ვებ განყოფილების გაყიდვების დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
HRPA • Georgia საერთაშორისო HR დღეს ყოველწლიურად აღნიშნავს და გამონაკლისი ცხადია არც 2025-ია. წლევანდელი ღონისძიება 20 მაისს არის ჩანიშნული და როგორც ცნობილი მისი მთავარი თემა იქნება მრავალფეროვნება, თანასწორობა და ინკლუზია სამუშაო ადგილზე. გეტყვით იმასაც, რომ წინასწარი მონაცემებით, ღონისძიება 600-მდე მონაწილეს, როგორც HR პროფესიონალებს, ისე აღმასრულებელ დირექტორებს, ინკლუზიური ორგანიზაციების წარმომადგენელს, ასვე ტრენერებს, ქოუჩებს, გაყიდვების, პიარისა და მარკეტინგის პროფესიონალებს გააერთიანებს. სტუმარი: სალომე ღაჭავა - HRPA-ს აღმასრულებელი დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საკონსულტაციო კომპანია EVA სულ ცოტა ხნის წინ, ტალანტების ინსტიტუტის (TMI) ავტორიზებული საგანმანათლებლო წარმომადგენელი გახდა როგორ საქართველოში, ასევე სომხეთში, ყაზახეთში, ყირგიზეთსა და აზერბაიჯანში.მოკლედ გეტყვით იმასაც, რომ TMI ტალანტების მართვის სფეროში ერთ-ერთ პირველ კომპანიად პოზიციონირებს და ამავე დროს ამ როლის პროფესიად ჩამოყალიბებასაც უზრუნველყოფს. რას გულისხმობს ქართული კომპანიისთვის ტალანტების ინსტიტუტის წარმომადგენლობა და რა შესაძლებლობას ხსნის ის ადგილობრივ ბაზარზე მათ შორის კერძო სექტორის განვითარებისთვის სტუმარი: სალომე არღვლიანი - საკონსულტაციო კომპანია EVA-ს დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ვინტაჟური ქსოვილებისთვის ახალი სიცოცხლის მინიჭება - სწორედ ამ მისიით შეიქმნა საწარმო “ფეიქარი”, რომელიც ქართულ ბაზარს ბუნებრივი მასალისგან შექმნილ, ეკომეგობრულ აქსესუარებს სთავაზობს. როგორ აქცევენ წარსულის გადმონაშთს მომავლის მემკვიდრეობად და როგორ ასინქრონებენ ისტორიას თანამედროვე ტენდენციებთან? სტუმარი: ეკა ბუგიანიშვილი - “ფეიქარის” დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ქართული კომპანია - პიელ ნატურალსი 8 წლის გახდა. ვინც არ იცით, გეტყვით, რომ ეს არის ქართული კოსმეტიკის მშობლიური ენდემური ბრენდი, რომელიც პროდუქციას ყურძნის წიპწის 8000წლიან ისტორიას, ნატურალურ, ვეგანურ, ბუნებრივ, ინოვაციური 100%-მდე ნატურალური ფორმულებით GMP-სა და ISO სტანდარტის საწარმოში უკვე 8 წელია ქმნის. პიელ ნატურალსის პროდუქცია იქმნება უპირველესად ქართველი მომხმარებლისთვის, თუმცა ის უკვე საერთაშორისო ბაზრებსაც მისწვდა. სტუმარი: თათუკა ლომაძე - "პიელ ნატურალსის" დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
2025 წლის იანვარ-მარტში საქართველოს $1.4 მლრდ-იან ექსპორტში ყურძნის ნატურალური ღვინოების წილი წლიურად 3.6%-მდე შემცირდა. ამ პერიოდში ადგილობრივი წარმოების ღვინის გაყიდვით მიღებული შემოსავალი ქვეყანას 40.4%-ით 49 მილიონ 831 ათას დოლარამდე შეუმცირდა. წლის აღნიშნულ პერიოდში საქართველოდან საზღვრებს გარეთ სულ 16 552 203 ლიტრი ღვინო გაიყიდა. მაშინ როდესაც გასული წლის პირველ კვარტალში ექსპორტირებული სასმლის მოცულობა 30 მლნ ლიტრამდე იყო. პირველი კვარტალის მონაცემებით, ღვინის ექსპორტში კლება პანდემიური 2021 წლის შემდეგ არ გვქონია. შემცირება კი ქართული ღვინის უმსხვილეს სარეალიზაციო ბაზარზე - რუსეთში სასმლის ექსპორტის კლებით არის განპირობებული. უნდა აღინიშნოს, რომ იანვარ-მარტში 55.3%-მდე შემცირებულია მთლიან ექსპორტში რუსეთში ღვინის გაყიდვების წილიც. მაშინ როდესაც გასულ წელს საქართველოდან ექსპორტირებული ღვინის საერთო მოცულობაში რუსეთში გაყიდვებს 77.8%-იანი წილი ეკავა. რა ვითარებაა ქართულ მეღვინეობაში, რა სიახლეები აქვთ მწარმოებლებს? სტუმარი: ია იმერლიშვილი - "იას მეღვინეობის" დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
კომპანია "რომა ჯელატო" საქართველოში - იტალიურ გემოებს ამკვიდრებს და როგორც ამბობენ მომხმარებელს ზუსტად ისეთივე ჯელატოს სთავაზობს, როგორსაც რომის სანაყინეებში დააგემოვნებდით. რომა ჯელატოს საქართველოს ბაზარზე 17 წლიანი ოპერირების გამოცდილება აქვს, შესაბამისად, კარგად იცნობს მომხმარებელს, მის სურვილებს და სიახლეებსაც ამის მიხედვით სთავაზობს. როგორ სეზონს ელოდება კომპანია და რა სიახლეები დაგროვდა ამ პერიოდის განმავლობაში? სტუმარი: თამუნა უდესიანი - “რომა ჯელატოს” დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
გამორჩეული, განსხვავებული გემოები, კმაყოფილი და უკვე ერთგული მომხმარებელი - ეს სანაყინე ქსელის - the cone culture-ს ისტორიაა, რომელიც ქართულ ბაზარზე უკვე 5 წელია ოპერირებს და მომხმარებელს თითქმის სამასამდე გემოს სთავაზობს. ასორტიმენტში შეხვდებით ისეთ გემოებსაც, რომელიც აქამდე შესაძლოა ნაყინთან დაკავშირებით არც კი წარმოგედგინათ. სტუმარი: ქეთი მიქაშავიძე - The Cone Culture-ის დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ტუროპერატორების ნაწილი აცხადებს, რომ საქართველოში ბოლო პერიოდში უცხოელი გიდების რაოდენობა მზარდია და ისინი კონკურენციას ადგილობრივ ტურისტულ კომპანიებსაც უწევენ. კომპანიების ინფორმაციით, დარგი გარკვეულ რეგულაციებს საჭიროებს, მათ შორის, უცხოელი გიდების აღრიცხვიანობის მიმართულებით. ისინი აღნიშნავენ, რომ ხშირად უცხოენოვანი გიდები საქართველოს ბაზარზე ყოველგვარი გადასახადების გადახდის გარეშე ოპერირებენ. აქვე გეტყვით, რომ დაურეგისტრირებელი გიდებისთვის სანქციის ამოქმედება ერთი წლით გადავადდება. ასევე, იგეგმება უცხოელი გიდების სავალდებულო რეგისტრაციის გადავადებაც. შესაბამისი ცვლილებები „ტურიზმის შესახებ საქართველოს კანონში" შედის, რომელიც პარლამენტში განსახილველად უკვე დარეგისტრირდა. სტუმარი: ლაშა ბერეკაშვილი - "საქართველოს ახალგაზრდა გიდების ასოციაციის" თავმჯდომარე #ახალიამბები #BusinessMediaGeorgia
დაურეგისტრირებელი გიდებისთვის სანქციის ამოქმედება ერთი წლით გადავადდება. ასევე, იგეგმება უცხოელი გიდების სავალდებულო რეგისტრაციის გადავადებაც. შესაბამისი ცვლილებები „ტურიზმის შესახებ საქართველოს კანონში" შედის, რომელიც პარლამენტში განსახილველად უკვე დარეგისტრირდა. აღსანიშნავია, რომ ტურიზმის შესახებ კანონის თანახმად, 2025 წლის 1 ივნისიდან ტურისტული გიდი ვალდებულია რეგისტრაცია გაიაროს ეკონომიკურ საქმიანობათა რეესტრში. წინააღმდეგ შემთხვევაში გათვალისწინებულია ჯარიმა 500 ლარის ოდენობით. 2023 წელს მიღებული კანონით, ეს პუნქტი 1 იანვრიდან უნდა ამოქმედებულიყო, თუმცა გასული წლის დეკემბერში 6 თვით გადაავადეს. ამასთან, მოქმედი კანონით, ტურისტული გიდი, რომელიც უცხო ქვეყნის მოქალაქეა, მიმდინარე წლის 1 ივნისიდან ვალდებულია რეგისტრაცია გაიაროს საქართველოს მთავრობის მიერ დადგენილი წესის შესაბამისად. სწორედ აღნიშნული პუნქტების გადავადებაა დაგეგმილი. აღსანიშნავია, რომ მოქმედი კანონით, ტურისტული გიდის სერტიფიცირება ნებაყოფლობითია და მას ახორციელებს საჯარო სამართლის იურიდიული პირის − აკრედიტაციის ერთიანი ეროვნული ორგანოს − აკრედიტაციის ცენტრის მიერ აკრედიტებული პერსონალის სერტიფიკაციის ორგანო. თუმცა, აკრედიტაციის ეროვნულ ცენტრში სავალდებულო აკრედიტაციის ნაცვლად, პერსონალის სერტიფიკაციის ორგანოს ავტორიზაციას განახორციელებს ტურიზმის ეროვნული ადმინისტრაცია. რა პრობლემებს ქმნის დაურეგისტრირებელი გიდი და მათ შორის სერტიფიცირების არ მქონე ადამიანების ამ საქმიანობაში ჩართულობა? სტუმარი: ქეთი უგლავა - სერტიფიცირებული გიდი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
Wine Ambassadors 2025-ზე წელს უკვე მეორედ ტარდება, სტარტს კი ამჯერად პირველ მაისს აიღებს. მიმდინარე კვირის ხუთშაბათს ღვინის მოყვარულები სასტუმრო ვინდჰამ გრანდ თბილისში შეიკრიბებიან და ქართულ, მცირე საოჯახო მარნებს გაეცნობიან. მათ ფავორიტ პროდუქტებს კი სურვილისამებრ შეიძენენ კიდეც. ღვინოსთან ერთად სტუმრებს ადგილზე ქართული სამზარეულოს კუთხეც დახვდებათ, რაც მთავარია ღვინოსთან შეხამებული კერძებით. მოკლედ, ეს იქნება ღონისძიება რომელიც ღვინის მოყვარულებმა, ჰორეკა სექტორის წარმომადგენლებმა და სხვა დაინტერესებულმა მხარეებმა არ უნდა გამოტოვონ. სტუმარი: მარია სარალიძე - Wine Ambassadors 2025, ორგანიზატორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
„საქართველოს მედიატორთა ასოციაციის“ პირველი მოწვევის ეთიკის კომისია მუშაობის ოთხწლიან პერიოდს აჯამეს და საქმიანობის ანგარიშს უახლოეს დღეებში მედიატორთა საერთო კრებას ოფიციალურად წარუდგენს. აქვე გეტყვით, რომ ზუსტად ოთხი წლის წინ, ასოციაციის ისტორიაში პირველად, შედგა ეთიკის კომისიის წევრთა არჩევნები. არჩეულ იქნა კომისიის 9 წევრი და მისი თავმჯდომარე - სოფიო დუღაშვილი. სტუმარი: სოფიო დუღაშვილი - “საქართველოს მედიატორთა ასოციაცია”, ეთიკის კომისიის თავმჯდომარე #ქალებისნარატივი მარიამ იზორიასთან ერთად #ახალიამბები #BusinessMediaGeorgia
კომპანია BeWise Georgia-ზე მრავალწლიან გამოცდილებას და პროფესიონალთა გუნდს აერთიანებს. როგორც კომპანიაში ამბობენ, BeWise Georgia-ს კარგად ეხერხება დაინახოს კონკრეტული კომპანიის უნიკალურობა და ის კონკურენტულ უპირატესობად გარდაქმნას. პროფესიონალთა ერთობის - ანუ BeWise-ის სათავეში ქალები არიან. სტუმრები: ია ნადირაშვილი - BeWise Georgia-ს თანადამფუძნებელი; მარიკა კლდიაშვილი - BeWise Georgia-ს თანადამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ახმეტაში მდებარე “ლაგვანის მარანი" ადგილობრივ თუ საერთაშორისო ვიზიტორებს მათივე წარმოებული ღვინის თანხლებით გასტროტურებს მრავალფეროვან ვარციას ახვედრებს. უამბობს იმ ტრადიციებსა და კულტურულ ფასეულობებზე რომლებიც საუკუნეების განმავლობაში მათ რეგიონში ქართული სტუმარმასპინძლობის ისტორიას წერდა. სტუმარი: სანათა წიწუაშვილი - "ლაგვანის მარანი", დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
„შენი ბრენდი არის ის, რასაც ხალხი ამბობს შენზე, როცა ოთახში არ ხარ“ - ასე განგვიმარტავს პლანეტის ერთ-ერთი უმდიდრესი კომპანიის, ამაზონის დამფუძნებელი ჯეფ ბეზოსი. სხვანაირად რომ ვთქვათ, შენი ბრენდი არის ის, თუ როგორ წარუდგენ მსოფლიოს საკუთარ თავს. პირადი ბრენდის შექმნა შეიძლება ერთი შეხედვით რთული იდეად იკითხებოდეს, თუმცა რეალობა ასეთია - თუ თავად არ შექმნი საკუთარ ბრენდს, ამას სხვა ადამიანები შენ ნაცვლად გააკეთებენ. რა მნიშვნელობა აქვს 21-ე საუკუნის რეალობაში პერსონალურ ბრენდინგს და როგორ უნდა შევფუთოთ/წარმოვაჩინოთ სწორად საკუთარი თავი? #ახალიამბები #BusinessMediaGeorgia
მექანიკური ტალღები არის დამოუკიდებელი კულტურულ-საზოგადოებრივი პლატფორმა, რომელიც ქმნის სივრცეს ღია დიალოგისთვის ხელოვნების, განათლებისა და სოციალური თემების გადაკვეთის წერტილზე. პლატფორმა არაერთ განხორციელებულ და ასევე მიმდინარე პროექტს აერთიანებს. სტუმარი: სოფო ებრალიძე - „მექანიკური ტალღები“, თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
სერტფიცირიებული შემდუღებელი, მარიამ კარბაია უნდა გაგაცნოთ, რომელიც ამ საქმიანობის მიღმა, საწარმო კარბას უდგას სათავეში - ბიზნესი ერთდროულად რამდენიმე მიმართლებას ფარავს, როგორც ინტერიერისა თუ ექსტერიერის ავეჯის, ისე აქსესუარების დამზადების თვალსაზრისით. სტუმარი: მარიამ კარბაია - Karba Factory, თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
DGF AREA რულ რამდენიმე დღეში მსოფლიოში აღიარებულ კონდიტერ შეფ ანტონიო ბაშურთან ერთად თბილისში ექსკლუზიურ 3-დღიან მასტერკლასს გამართავს. 25 -დან 27 აპრილის ჩათვლით მონაწილეებს შესაძლებლობა ექნებათ შეფის 12 საავტორო დესერტს გაეცნონ, ისევე როგორც მათი მომზადების ყველა ფაზას იდეიდან-პრეზენტაციამდე. ღონისძიების ორგანიზატორი DGF ICC Georgia-აა. სტუმარი: ნათია ცხომელიძე - DGF ICC Georgia, დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
სამი წლის წინ ქართულ ბაზარზე ქართულ-ფრანგული გემოსა და ხელწერის კორელაციით გამოჩნდა ბრენდი, რომელმაც მომხმარებელს, პრემიუმ სეგმენტის, ევროპული და შინაარსობრივად თუ ვიზუალურად სრულიად ახლებური იდენტობის მქონე საკონდიტრო ნაწარმი შესთავაზა. საუბარია, დუშეფზე, რომელიც აქამდე თბილისის მასშტაბით სამი ფილიალით იყო წარმოდგენილი. თუმცა, საქმიანი ცხოვრების ახალმა ეტაპმა ორი ფილიალის დახურვა და სამაგიეროდ, საწარმოს ამოქმედება განაპირობა. სტუმარი: ხათუნა ბაკურაძე - “დუშეფის“ დამფუძნებელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
G style საქართველოს ბაზარზე დაახლოებით 17 წლიან ისტორიას აერთიანებს, ამ პერიოდის განმავლობაში კი მოახერხა, რომ ქართული ბაზარი და ქართველი მომხმარებელი ევროპული ბრენდების პროდუქციით გაენებივრებინა. კომპანიის ყოველი წელი სიახლეებით და გაფართოების გეგმებით არის დატვირთული და არც გასული წელი აღმოჩნდა გამონაკლისი. რა სიახლეები დაუგროვდა კომპანიას, როგორია ბაზარზე იმ ბრენდებზე მოთხოვნა, რომელსაც კომპანია G style სთავაზობს მომხმარებელს? სტუმარი: სალომე ბოჭორიშვილი - G style-ის თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
როდესაც ფორბსი ელექტრონული ფოსტით დამიკავშირდა მეილს ყურადღება არ მივაქციე, რადგან სპამი მეგონა. რამდენიმე დღის შემდეგ ისინი კვლავ გამოვიდნენ კავშირზე. მაშინ რეალური არ მეჩვენებოდა მათი წინადადება იმასთან დაკავშირებით რომ ჩემი ავტობიოგრაფიის გამოქვეყნებით დაინტერესდნენ. მესიჯის გადამოწმების, ავთენტურობის დადგენის პროცესში მთელი აიტიპროფესიონალები ჩავრთე - ასე აღწერს სიბიეს ჯგუფის ფინანსური დირექტორი - თამარ გახარია იმ მომენტს, როდესაც შეიტყო რომ Forbes Book -მა მსოფლიოს მასშტაბით რვა პროფესიონალს შორის, ავტობიოგრაფიის გამოცემისთვის შეარჩია. Forbes Books-მა, გამომცემლობამ რომელიც ცნობილია მსოფლიოში გამორჩეული ლიდერული ისტორიების პოპულარიზაციით, თამარ გახარიას ავტობიოგრაფია წიგნის სახით სულ რამდენიმე კვირის წინ გამოსცა. „The Blitz: საქართველოს შვილის აღმასვლა ფინანსური დირექტორის თანამდებობაზე პოსტსაბჭოთა ეპოქაში“ - ასე ჰქვია თამარ გახარიას ავტობიოგრაფიას, სადაც ავტორი აღწერს სოციალური ცვლილებებითა და პირადი გამოწვევებით აღსავსე რთულ გზას, რომელმაც ის პროფესიულ წინსვლამდე, მსხვილ ბიზნესში წარმატებამდე და საკუთარი თავის შეცნობამდე მიიყვანა. თამარ გახარია ამჟამად სიბიეს ჯგუფის ფინანსური დირექტორია, კომპანიის რომელიც ისეთ საკვანძო სექტორებს აერთიანებს - როგორებიცაა ენერგეტიკა, კომუნიკაციები, ტრანსპორტი, უძრავი ქონება, ახალი ტექნოლოგიები და სტარტაპები. ფინანსური დირექტორის რანგში თამარ გახარია ერთ-ერთ მთავარ როლს ასრულებს „სიბიეს ჯგუფის“ წარმატებაში, პოზიციაზე რომელიც 25 წლისამ დაიკავა. „ჩემი ისტორიის გაზიარებით მსურს შთავაგონო და გავაძლიერო სხვა ქალები და ლიდერები მთელს მსოფლიოში, რადგან დარწმუნდნენ, რომ ნებისმიერი დაბრკოლების გადალახვა შესაძლებელია“ - აღნიშნავს თამარ გახარია. სტუმარი: თამარ გახარია - CBS Group-ის ფინანსური დირექტორი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ყოველდღიური თუ სადღესასწაულო ჭურჭელი, სამზარეულო აქსესუარები, სხვადასხვა სასაჩუქრე ნივთები - ეს ყველაფერი კი ერთ სივრცეში, ამბიენტეში, კომპანიაში სადაც მთავარ აქცენტს ხარისხზე და გამორჩეულ პროდუქციაზე აკეთებენ. კომპანია უკვე 4 წელია ბაზარზე ოპერირებს და მომხმარებელს ძირითადად ევროპული ბრენდების ფართო ასორტიმენტს სთავაზობს. აქ არჩევანი ყველა ტიპის ადამიანის გემოვნებას ერგება. პრემიუმ კლასის ბრენდებთან ერთად სიახლეა ის, რომ ამბიენტეს სივრცეში უკვე მომხმარებლებს ქართული კომპანიების მიერ წარმოებული პროდუქციის კუთხეც დაგხვდებათ. სტუმარი: მაია გოგიაშვილი - “ამბიენტეს” თანადამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
15 მაისიდან 1 ივნისამდე 10 ქართველი დიზაინერის პროდუქცია ტოკიოში, ერთ-ერთ ყველაზე ცნობილ სავაჭრო ცენტრ - ARCO -ში გაიყიდება. ეს წარმატება - კი “ვიტრინის” პროექტია, სააგენტოსი, რომელიც საერთაშორისო მასშტაბით ქართველი დიზაინერების პოპულარიზაციაზე ზრუნავს და პროდუქციის ექსპორტზე გატანაში ეხმარება. ვიტრინი სულ ორი წელია რაც დაფუძნდა და მისი სერვისები იმ საჭიროებებს პასუხობს, რაც დღეს ქართველ დიზაინერებს აქვთ. მოდის სააგენტო ქართულ და არა მხოლოდ ქართულ კომპანიებს კვალიფიციურ საკონსულტაციო და საორგანიზაციო მომსახურებას უწევს, ამასთან ექსპორტზე ორიენტირებული კომპანიებისთვის სტრატეგიული გეგმის შემუშავებასაც უზრუნველყოფს. სტუმრები: მადო რომანაძე - VITRINE-ის დამფუძნებელი; გიორგი ჩემინავა - VITRINE-ის ბიზნეს პარტნიორი; #ახალიამბები #BusinessMediaGeorgia
“სათავგადასავლო რალი საქართველო” ავტორბოლაა, რომელიც 2019 წელს დაარსდა და ყოველი წლის ოქტომბერში იმართება. პროექტის პოპულარობა წლიდან წლამდე იზრდება. იდეის ავტორი და დამფუძნებელი ვერა მურღულიაა, რომელიც ავტომრბოლელი და რალების ორგანიზატორია საფრანგეთში. აუცილებლად უნდა ვთქვათ ისიც, რომ ის პირველი ქართველი ქალია, რომელმაც მაროკოს უდაბნოს Gazelle-ის ქალთა რალი რეიდში მიიღო მონაწილეობა და მაროკოს უდაბნოში საქართველოს დროშა ააფრიალა. როგორც გითხარით, 2019 წელს, მისი ინიციატივით საქართველოში პირველად ჩატარდა ქალთა სათავგადასავლო რალი და მას შემდეგ ყოველი წლის ოქტომბერში იმართება. სტუმარი: ვერა მურღულია - "სათავგადასავლო რალი", დამფუძნებელი, მრბოლელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
“მოუარე” - პირველი ქართული შინაური ცხოველების მოვლის საშუალებების ბრენდი სტუმარი: უნა ქუთათელაძე - “მოუარე”, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
იმერული სტუმარ-მასპინძლობა “თინას ეთნო მარანში” სტუმარი: თინა ტოროშელიძე - “თინას ეთნო მარნის” დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia