შრომის ბაზარზე ტრადიციული 9-დან 6 საათამდე მუშაობის კონცეფცია სრულად შეცვალა. საუბარია ფრილანსერებსა და დამოუკიდებელ პროფესიონალებზე. თუმცა, თავისუფლებასთან ერთად, ეს სტატუსი უამრავ გამოწვევას აჩენს ,დაწყებული კლიენტების მოძიებით, დასრულებული საგადასახადო და მენტალური პრობლემებით. სწორედ ამიტომ, იქმნება სრულიად ახალი პლატფორმა . Unlimited Summit, რომელიც არა უბრალოდ მორიგი ტექ-კონფერენცია, არამედ 360-გრადუსიანი მხარდაჭერის სისტემაა. 25 აპრილს დაგეგმილ სამიტზე დასწრება უფასოა, თუმცა მონაწილეები მანამდე მონაწილეები პირად გასაუბრებას გაივლიან, რათა სივრცემ მხოლოდ რეალური პოტენციალის მქონე პროფესიონალები გააერთიანოს. ღონისძიება ფარავს AI-ს, დასაქმებას, ბრენდინგს, იურიდიულ-ფინანსურ კონსულტაციებსა და, რაც ძალიან საყურადღებოა, მენტალურ ჯანმრთელობას. ამასთან, სამიტს აქვს ძლიერი სოციალური მისია - დონაციით შეგროვებული თანხა რეგიონებში მცხოვრები ახალგაზრდების ტექ-განათლებას მოხმარდება. როგორ იცვლება ფრილანსერების ბაზარი საქართველოში და რატომ გახდა ასეთი მასშტაბური სამიტის ჩატარება აუცილებელი?

სტუმარი: ნინო ზექალაშვილი - Unlimited Summit-ის ორგანიზატორი და მარკეტერი

#ქალებისნარატივი ლიკა მეგუთნიშვილთან ერთად

#ახალიამბები #BusinessMediaGeorgia