უკვე მეცხრე დღეა პროევროპული პროტესტი მთელი ქვეყნის მასშტაბით გრძელდება და საქართველოს მოქალაქეები ქართული ოცნების მიერ ევროინტეგრაციის პროცესის შეჩერებას აპროტესტებენ. პროევროპული აქციების დაწყებიდან დღემდე საპოლიციო ძალების მიერ დაშავდა ათეულობით დემონსტრანტი, გასული დღეების განმავლობაში სასტიკად სცემეს და ფიზიკურად გაუსწორდნენ არაერთ მშვიდობიან მოქალაქეს მათ შორის მედიის წარმომადგენლებს. პარალელურად გრძელდება დაკავებების სერიაც, რომელმაც გასული ორი დღის განმავლობაში განსაკუთრებით ფართო მასშტაბი შეიძინა და 300-ზე მეტ ადამიანში, მშვიდობიან დემონსტრანტებთან ერთად, ხელოვანები, პოლიტიკოსები თუ სამოქალაქო აქტივისტები მიითვალა - და რა არის ამ ყველაფრის საფუძველი - კონსტიტუციით გამყარებული საგარეო კურსის დაცვა და არშეგუება იმ გზიდან გადახვევის, რომლით სიარულიც ამ ქვეყნის ისტორიული არჩევანია.

სტუმარი: ნინო ევგენიძე - „ეკონომიკური პოლიტიკის კვლევის ცენტრის“ აღმასრულებელი დირექტორი;

#ქალებისნარატივი ლიკა მეგუთნიშვილთან ერთად;

#ახალიამბები #BusinessMediaGeorgia