ლიონელ მესიმ არგენტინის ნაკრებთან ერთად ერთ-ერთი ყველაზე გამორჩეული საფეხბურთო ისტორია დაასრულა. გზა, რომელიც წლების განმავლობაში იმედგაცრუებებით, კრიტიკითა და დაკარგული ფინალებით იყო სავსე, საბოლოოდ მსოფლიო ჩემპიონობითა და ტრიუმფით დასრულდა.
მესიმ არგენტინის მაისურით ექვს მსოფლიო ჩემპიონატზე ითამაშა, სამჯერ ფინალში გავიდა და 2022 წელს, კატარში, ყველაზე სანუკვარ ტიტულს დაეუფლა. მანამდე კი იყო კოპა ამერიკის ფინალებში განცდილი მარცხები, მუდმივი შედარება დიეგო მარადონასთან და კითხვები, შეძლებდა თუ არა ქვეყნისთვის იმ წარმატების მოტანას, რომელსაც მისგან ელოდნენ. დღეს ეს ყველაფერი უკვე ისტორიაა. მესიმ არგენტინის ნაკრების მაისურით 208 მატჩი ჩაატარა და 126 გოლი გაიტანა, ორივე მაჩვენებელი ეროვნული გუნდის რეკორდია. ბოლო მატჩში კი, სტადიონ „მონუმენტალზე“, მან კიდევ ერთხელ აჩვენა, რატომ დარჩება არგენტინის ფეხბურთის ისტორიაში.


#ახალიამბები #BusinessMediaGeorgia