ევროპული ფეხბურთის სათავეში ყოფნა მხოლოდ სპორტული გადაწყვეტილებების მიღება არ არის. ეს მილიარდიანი ინდუსტრიის მართვა, გავლენების დაბალანსება და ფეხბურთის მომავლის განსაზღვრაცაა. უეფას მოქმედ პრეზიდენტ ალექსანდერ ჩეფერინს კი ამ პასუხისმგებლობის საკუთარ თავზე აღება კიდევ ერთხელ სურს. 58 წლის სლოვენიელი მომავალ საპრეზიდენტო არჩევნებში მონაწილეობას გეგმავს და გამარჯვების შემთხვევაში ორგანიზაციას მეოთხე ვადით უხელმძღვანელებს. მისი მმართველობის პერიოდში ევროპულმა ფეხბურთმა მნიშვნელოვანი ფინანსური და სტრუქტურული ცვლილებები გაიარა, თუმცა ჩეფერინის გადაწყვეტილებებს არც დაპირისპირებისა და კრიტიკის გარეშე ჩაუვლია - განსაკუთრებით ევროპის სუპერლიგის გარშემო განვითარებული მოვლენების დროს. ვინ არის ადამიანი, რომელიც ევროპული ფეხბურთის ერთ-ერთ ყველაზე გავლენიან ორგანიზაციას მართავს, როგორ შეცვალა მან უეფა და რა გამოწვევების წინაშე დგას მისი ხელმძღვანელობა?

#ახალიამბები #BusinessMediaGeorgia