თებერვალში თბილისში გაყიდული ბინების რაოდენობა 3 822-მდე გაიზარდა, ასევე გაიზარდა გასაყიდი ბინის ფასი და კვადრატულზე 1 398 დოლარი შეადგინა, 10.1 დოლარამდე გაძვირდა ქირის ღირებულებაც.

Galt & Taggart-ის მიერ მომზადებული მიმოხილვის მიხედვით, 2025 წლის თებერვალთან შედარებით გასაყიდი ბინის კვადრატულის ფასი 6%-ით, ხოლო ქირის ღირებულება 5%-ით არის გაზრდილი.

ერთ-ერთი მნიშვნელოვანი საკითხი რაც თებერვლის განახლებაში მოხვდა ნებართვებს ეხება. თებერვალში ნებართვა 10 საცხოვრებელ პროექტზე გაიცა, რომელთა ჯამურმა ფართმა 60 283 კვ.მ შეადგინა, კლება წინა წელთან შედარებით 45%-ია. მნიშვნელოვანია, რომ გაცემული ნებართვების საცხოვრებელი ფართი ზედიზედ მეხუთე თვეა წლიურად მცირდება. ჯამურად, 2026 წლის 2 თვეში გაცემული ნებართვების მოცულობა წინა წელთან შედარებით განახევრებულია.

სტუმრები: ზუკა თავყელიშვილი - Galt & Taggart-ის ასოცირებული მკვლევარი;
ოთარ ცუხიშვილი - Galt & Taggart-ის უფროსი ანალიტიკოსი;

#ახალიამბები #BusinessMediaGeorgia