ბათუმში კიდევ ერთი მნიშვნელოვანი საავტომობილო სივრცე გაიხსნა – 13 მარტს, გაგარინის N1-ში, თეგეტამ საზოგადოებას მულტიბრენდული შოურუმი „ავტო გალერის“ ახალი ფილიალი წარუდგინა. თანამედროვე სტანდარტების სივრცე რეგიონში პირველი მსგავსი ფორმატის შოურუმია, რომელიც Tegeta Cars-ის პორტფელიდან წამყვან ბრენდებს აერთიანებს. გახსნის ცერემონიას დაახლოებით 300 სტუმარი დაესწრო. ღონისძიება მოიცავდა სხვადასხვა აქტივობებს, სიურპრიზებს, საჩუქრებსა და გათამაშებებს „ავტო გალერის“ პარტნიორი კომპანიებისგან. ახალ შოურუმში წარმოდგენილია Mazda, Volvo, Geely, Zeekr, ხოლო ბათუმში პირველად ოფიციალურად წარადგინეს Porsche, Lamborghini და Bentley, რაც მომხმარებელს შესაძლებლობას აძლევს, დააკმაყოფილოს ნებისმიერი გემოვნებისა და ბიუჯეტის მოთხოვნები. საგულისხმოა, რომ „ავტო გალერის“ ფილიალი ბათუმში უკვე სრული დატვირთვით ემსახურება მომხმარებელს. ავტომობილის შეძენისა და ტექნიკური მომსახურების გარდა, ხელმისაწვდომია საბანკო პროდუქტები, ავტოგანვადება, ლიზინგი და დაზღვევის სპეციალური პირობები პარტნიორი ფინანსური ინსტიტუტების მეშვეობით.


#ახალიამბები #BusinessMediaGeorgia