მსოფლიოში აღიარებული მობილური და ფიქსირებული ინტერნეტ სიჩქარის ტესტირებისა და მონაცემთა ანალიზის კომპანია უკლას (Ookla) მონაცემებით, სილქნეტი საქართველოში 2025 წლის ყველაზე სწრაფი პროვაიდერია ფიქსირებული ინტერნეტის მიმართულებით. ჯილდო სილქნეტს ბარსელონაში მიმდინარე Mobile World Congress- ზე გადაეცა, რომელიც ერთ-ერთი ყველაზე დიდი ტექნოლოგიური ღონისძიებაა. Ookla-ს Speedtest ჯილდო კომპანიას 2020 წელსაც გადაეცა. ამერიკული კომპანია Ookla, სრულყოფილი ანალიტიკური პლატფორმის მეშვეობით აკვირდება მსოფლიოს მასშტაბით სხვადასხვა ქვეყნებში არსებული ინტერნეტ ქსელების ხარისხს, აწარმოებს ინტერნეტ სიჩქარის ტესტირებას სპეციალური აპლიკაციების მეშვეობით. Ookla-ს მომსახურებას იყენებენ სხვადასხვა ქვეყნის პროვაიდერები და მობილური ოპერატორები, ბიზნეს კომპანიები, სამთავრობო ორგანიზაციები და უნივერსიტეტები მთელ მსოფლიოში. საქართველოში ინტერნეტ ქსელის ტესტირება Ookla-მ გასული წლიდან დაიწყო და 6 თვის განმავლობაში აწარმოებდა ხარისხის, სიჩქარის და სხვა მონაცემებზე დაკვირვებას. Speedtest Awards ეყრდნობა „ჯილდოს პერიოდის“ შედეგებს, რომლის დროსაც გენერირდება მონაცემები შემდგომი გადამუშავებისა და ანალიზის მიზნით.


#ახალიამბები #BusinessMediaGeorgia