საინვესტიციო ბანკი Galt & Taggart ახლო აღმოსავლეთში მიმდინარე პროცესების გავლენას საქართველოს ეკონომიკაზე მინიმალურად აფასებს. მათი შეფასებით, ირანზე აშშ-სა და ისრაელის სამხედრო თავდასხმის შედეგად გაზრდილი გლობალური ვოლატილობის მიუხედავად, საქართველოს მაკროეკონომიკური გავლენა შეზღუდული იქნება, განსაკუთრებით თუ კონფლიქტი მოკლევადიანია.

ბანკის საბაზისო სცენარით, თუ დაპირისპირება დაახლოებით ერთ თვეს გაგრძელდება, 2026 წლის მშპ-ის ზრდა მხოლოდ 0.2 პროცენტული პუნქტით შემცირდება, ხოლო ინფლაცია იქნება ზომიერი და დროებითი.

ირანთან საქართველოს პირდაპირი ეკონომიკური კავშირები მცირეა — 2025 წელს მისი წილი მთლიან სავალუტო შემოდინებებში 0.9% იყო. აქედან ტურიზმზე მოდიოდა 2.6%, ექსპორტზე 0.5%,

ხოლო ფულადი გზავნილები და პირდაპირი ინვესტიციები ფაქტობრივად არ ფიქსირდებოდა. შესაბამისად, მხოლოდ ირანთან დაკავშირებული შეფერხებები მნიშვნელოვან გავლენას ნაკლებად მოახდენს.

რაც შეეხება ისრაელს, რომელიც უფრო მნიშვნელოვანი პარტნიორია, განსაკუთრებით ტურიზმსა და ფულად გზავნილებში, აქ მონაცემები ასე გამოიყურება: - 2025 წელს ისრაელიდან მიღებული ტურისტული შემოსავლები მთლიანი ტურისტული შემოსავლების 12.5%-ს, ხოლო ფულადი გზავნილები 8%-ს შეადგენდა. მიუხედავად ამისა, საერთო დამოკიდებულება მაინც ზომიერია.

გალტ ენდ თაგარტის ანალიტიკით , სპარსეთის ყურის ქვეყნებთან კავშირები დივერსიფიცირებულია ტურიზმსა და პირდაპირ ინვესტიციებში. 2025 წელს ამ ქვეყნებიდან მიღებული ტურისტული შემოსავლები 4.5% იყო, ხოლო პირდაპირი ინვესტიციები — 4.2%. მოკლევადიან პერიოდში ყველაზე მოწყვლად სფეროდ სწორედ ტურიზმი რჩება.

რა გავლენა ექნება სექტორზე მიმდინარე პროცესებს?

სტუმარი: შალვა ხუციშვილი - ჯორჯიან ბასის და timeforgeorgia- ს დამფუძნებელი და დირექტორი;

#ახალიამბები #BusinessMediaGeorgia