თუ მეცნიერება ჯერ კიდევ რთული და მოსაწყენი გგონიათ, მაშინ ეს ამბავი თქვენთვისაა და უნდა გვისმინოთ. ამერიკული ვიდეო არხების Minutephysics და MinuteEarth ვიდეოები ქართულ ენაზეც უკვე ხელმისაწვდომია. ეს არხები ყველასათვის გასაგებ და პოპულარულ ენაზე ხსნის სხვადასხვა რთულ მეცნიერულ მოვლენებს, ფიზიკას, ქიმიას, დედამიწის კვლევის საკითხებს. ორივე არხი შედის იუთუბის საგანმანათლებლო და სამეცნიერო არხების ტოპ ათეულებში, არხების ოფიციალური მხარდამჭერები არიან: Google, Brilliant.org, Amazon…

არხების დამფუძნებელთან ჰენრი რაიხთან და მის გუნდთან ოფიციალური მოლაპარაკებების შემდეგ, 2020 წელს, ქართულმა საგანმანათლებლო პლატფორმამ ახალი ჰორიზონტები, მათთან გააფორმა ხელშეკრულება და დაიწყო ვიდეოების ქართულ ენაზე გადმოტანა და გავრცელება.

ქართულ ენაზე სამეცნიერო YouTube არხის არსებობა მნიშვნელოვანია როგორც მეცნიერების მოყვარულთათვის, ასევე საგანმანათლებლო და მეცნიერების პოპულარიზაციის პროექტების, სკოლის მასწავლებლებისა თუ მოსწავლეებისათვის. აღსანიშნავია, რომ მსგავსი თანამედროვე მეცნიერული არხების თარგმნა ასევე განაპირობებს ქართული ენის, როგორც სამეცნიერო ენის განვითარებასაც.

სტუმარი: ანასტასია გეგია - Alchemist 404-ის დამფუძნებელი

#ახალიამბები #BusinessMediaGeorgia