"ქართული ოცნება" ახალ შეზღუდვებს აკანონებს. კერძოდ, ხელისუფლება გეგმავს, სხვადასხვა კანონში ცვლილებების შეტანას, რაც ქვეყანაში პოლიტიკური პარტიების და სამოქალაქო ორგანიზაციების საქმიანობას კიდევ უფრო ართულებს. მაგალითად: "ქართული ოცნება" გრანტების შესახებ კანონს კიდევ უფრო ამკაცრებს; სისხლის სამართლის წესით დასჯადი ხდება გარე ლობიზმი; პოლიტიკური პარტიის წევრობის შეზღუდვასთან დაკავშირებული ცვლილება განხორციელდება „მოქალაქეთა პოლიტიკური გაერთიანებების შესახებ“ ორგანულ კანონში და პირს, რომელიც შრომითი ხელშეკრულებით არის დასაქმებული იმ ორგანიზაციაში,რომლის წლის განმავლობაში მიღებული შემოსავლის 20%-ზე მეტი მიღებულია უცხოური ძალისგან, აეკრძალება პოლიტიკური პარტიის წევრობა 8 წლის განმავლობაში. ასევე, ხელისუფლება გეგმავს მეწარმე სუბიექტის საჯარო პოლიტიკურ აქტივობასთან დაკავშირებით საკანონმდებლო ცვლილებას, რომლის შედეგად, მეწარმე სუბიექტის მიერ ისეთი საჯარო პოლიტიკური აქტივობის განხორციელება, რომელიც არ არის დაკავშირებული მის ძირითად სამეწარმეო საქმიანობასთან, გამოიწვევს მეწარმე სუბიექტის დაჯარიმებას 20 000 ლარის ოდენობით, ხოლო ქმედების განმეორებით და ყოველი შემდგომი ჩადენის შემთხვევაში – 40 000 ლარის ოდენობით და ა.შ.აღნიშნული საკანონმდებლო ცვლილებები „ქართული ოცნების“ გორგასლის ოფისში საპარლამენტო უმრავლესობის სხდომაზე განიხილეს, რომელსაც პარტიის თავმჯდომარე ირაკლი კობახიძეც დაესწრო.


#ახალიამბები #BusinessMediaGeorgia