14 იანვარს საქართველო სახელმწიფო დროშის დღეს აღნიშნავს — სიმბოლოს, რომელიც ქვეყნის ისტორიულ მემკვიდრეობასა და თანამედროვე პოლიტიკურ პროცესებს ერთდროულად აერთიანებს. თეთრ ფონზე დატანილი ხუთი წითელი ჯვარი დღეს საქართველოს იდენტობის განუყოფელი ნაწილია, თუმცა მისი ფესვები შუა საუკუნეებიდან იღებს სათავეს. საუკუნეების განმავლობაში შემონახული სიმბოლო 2000-იანი წლების დასაწყისში საზოგადოებრივი და პოლიტიკური პროცესების ფონზე გაცოცხლდა, და 2004 წლის 14 იანვარს კონსტიტუციური კანონით ოფიციალურად დამკვიდრდა, როგორც საქართველოს სახელმწიფო დროშა.

#ახალიამბები #BusinessMediaGeorgia