საახალწლო პერიოდის განსაკუთრებულ ატმოსფეროში, როცა ქალაქი განათებებითა და მუსიკით ცოცხლდება, კიდევ ერთი დასამახსოვრებელი მუსიკალური საღამო გაიმართა. კონცერტი "სიმღერის ანაბანა“, რომელიც კომპანია "ავერსის“ მხარდაჭერით ჩატარდა, მაყურებელს ბავშვებისა და მოზარდების შემოქმედებით სამყაროში ამოგზაურებდა. ღონისძიებაში მონაწილეობა მიიღო "ანაბანას“ 70-მა აღსაზრდელმა და მათმა პედაგოგებმა. სცენიდან ჟღერდა როგორც ქართული, ისე უცხოური ცნობილი სიმღერები, წარმოდგენილი ახალი, ორიგინალური ხედვით. კონცერტის განმავლობაში ერთმანეთს ენაცვლებოდნენ სტუდიის მოსწავლეები და მათი მასწავლებლები, რაც ღონისძიებას კიდევ უფრო თბილ და ერთიან ხასიათს სძენდა. პროექტის მთავარი მიზანი ბავშვებისთვის ისეთი გარემოს შექმნა იყო, სადაც მუსიკა თავისუფალი თვითგამოხატვის, კომუნიკაციისა და სიხარულის წყაროდ იქცევა.


#ახალიამბები #BusinessMediaGeorgia