თიბისი, როგორც ლიდერი საქართველოსა და უზბეკეთში ხელოვნური ინტელექტის ინტეგრაციაში. S&P Global ევროპული საბანკო სექტორის შესახებ სტატიას აქვეყნებს და თიბისის განიხილავს, როგორც წარმატებულ მაგალითს ხელოვნური ინტელექტის დანერგვისა და მისი ეკონომიკური ეფექტიანობის მიმართულებით.

საერთაშორისო სააგენტო თიბისის გამოცდილებით მას შემდეგ დაინტერესდა, რაც Financial Times-ის გლობალური ბანკინგის სამიტზე ბანკის ტექნოლოგიური განვითარების შესახებ თიბისის გენერალური დირექტორის მოადგილემ, გიორგი თხელიძემ ისაუბრა. ანალიტიკური სტატია ეხება იმ ბანკებს, რომლებიც AI-ს აქტიურად იყენებენ ოპერაციული მოქნილობის, ფინანსური შედეგებისა და მომხმარებლის გამოცდილების გასაუმჯობესებლად.

ამ კონტექსტში თიბისი დასახელებულია ისეთ საერთაშორისო ფინანსურ ინსტიტუტებთან ერთად, როგორებიცაა: ბრიტანული Lloyds და Standard Chartered PLC, ასევე ნიდერლანდური ING Groep. სტატიაში აღნიშნულია, რომ საქართველოში ადრეული ტექნოლოგიური განვითარების შედეგად, თიბისიმ წარმატებით შეძლო უზბეკეთის ბაზარზე პირველი ციფრული ბანკის შექმნა, სადაც უკვე 22 მილიონი რეგისტრირებული მომხმარებელი ჰყავს.

#ახალიამბები #BusinessMediaGeorgia