'საქართველომ შეიძლება სრულად დაკარგოს უვიზო რეჟიმი“ - ამაზე ევროკომისია ახალ ანგარიშში მიუთითებს, სადაც ნათქვამია, რომ საქართველოში დემოკრატიული უკუსვლის „სისტემური და მიზანმიმართული ხასიათის გათვალისწინებით“, უვიზო მიმოსვლის შეჩერებას იმ ახალი წესების ფარგლებში განიხილავს, რაც ძალაში 2025 წლის 30 დეკემბერს შედის.

ევროკომისიის თანახმად, პირველ ეტაპზე შეზღუდვა შეიძლება შეეხოს დიპლომატიური/სამსახურებრივი პასპორტების მფლობელებს, შემდეგ ეტაპზე კი - მთელ მოსახლეობას; ეს მოხდება იმ შემთხვევაში, თუკი ხელისუფლება „პრობლემებს არ მოაგვარებს“ - არ შეასრულებს ბრიუსელისგან არაერთგზის მიღებულ რეკომენდაციებს. ჯერჯერობით ევროკომისია კონკრეტულ თარიღებს არ ასახელებს.

რა გავლენა შეიძლება ჰქონდეს უვიზო რეჟიმის დაკარგვას ტურიზმის ინდუსტრიაზე?

გიორგი დარციმელია - ტურისტული კომპანია Queen Tamada დამფუძნებელი; საქართველოს სერტიფიცირებული გიდების ასოციაციის გამგეობის წევრი

#ახალიამბები #BusinessMediaGeorgia