ევროკავშირი საქართველოს მოუწოდებს, რუსეთისა და ბელორუსის მიერ ევროკავშირის სანქციებისთვის გვერდის ავლის თავიდან აცილებისთვის ბლოკთან თანამშრომლობა გააგრძელოს. როგორც ამას ევროკავშირის საბჭოს თავმჯდომარეობის გაფართოების დასკვნის ანგარიშში ვკითხულობთ, აღნიშნული შემზღუდველი ზომები უმთავრესი პრიორიტეტია რუსეთ-უკრაინის ომის კონტექსტში.

დასკვნის ანგარიშში ევროკავშირის საბჭო მოუწოდებს საქართველოს ხელისუფლებას, ვიზალიბერალიზაციის კრიტერიუმები დააკმაყოფილოს.
ანგარიშში ასევე აღნიშნულია, რომ საბჭო კვლავ ადასტურებს ევროკავშირის მხარდაჭერას საქართველოს მოსახლეობის აბსოლუტური უმრავლესობის ევროპული მომავლისკენ სწრაფვის მიმართ.

ევროკავშირის საბჭო საქართველოში მიმდინარე პროცესებზე, დემოკრატიულ უკუსვლასა და "ქართული ოცნების" მთავრობის ანტიდასავლურ რიტორიკაზეც წერს. ანგარიშში აღნიშნულია, რომ "ევროკავშირში გაწევრიანების პროცესი ფაქტობრივად ჩიხში შევიდა".

სტუმარი: ალექსი პეტრიაშვილი - საერთაშორისო ურთიერთობების მიმომხილველი

#საქმიანიდილა-ს #ანალიტიკა ელენე კვანჭილაშვილთან ერთად

#ახალიამბები #BusinessMediaGeorgia