17 დეკემბერს, კომპანია „არემჯიმ“ თანამშრომლებთან და მოწვეულ სტუმრებთან ერთად სამთოელის პროფესიული დღე იზეიმა. წელს, 2024 და 25 წლების წარმატებული სამთოელების დაჯილდოებასთან ერთად, კომპანიამ სამთო წარმოების 50 წლის იუბილე აღნიშნა. ახალგაზრდობის ეროვნულ სასახლეში საიუბილეო ღონისძიება წარმოების 50 წლის ისტორიის ჩვენებითა და დამსახურებული თანამშრომლების მოგონებებით გაიხსნა. 2024 - 25 წლების გამორჩეული სამთოელები არემჯის გენერალურმა დირექტორმა ჯონი შუბითიძემ დააჯილდოვა. კომპანიის ინიციატივით წელს პირველად სამთო საქმის განვითარებაში შეტანილი განსაკუთრებული წვლილისთვის „საპატიო სამთოელის ჯილდო“ დაწესდა, რომელიც აკადემიკოს ლევან ჯაფარიძეს გადაეცა. წარმოების 50 წლის იუბილესთან დაკავშირებით, კომპანიის ინიციატივით დიზაინერმა ანუკა ქებურიამ შექმნა სამთოელის საზეიმო კოსტუმი, ხოლო მოქანდაკე ვალერი ჯიქიამ სამთო საქმისადმი მიძღვნილ მონუმენტზე მუშაობა დაანონსა, რომელიც მომავალ წელს დაიდგმება.“არემჯიმ” სამთოელის პროფესიული დღე 2019 წელს დააწესა და ის ყოველი წლის 17 დეკემბერს აღინიშნება. 6 წლის მანძილზე კომპანიამ 43 დამსახურებული თანამშრომელი დააჯილდოვა.


#ახალიამბები #BusinessMediaGeorgia