DC Comics-ის, კომიქსების ერთ-ერთი ყველაზე ძველი გამომცემლობის მიერ 1939 წელს გამოშვებული სუპერმენის პირველი სერიის ეგზემპლარი აუქციონზე რეკორდულ 9.12 მილიონ აშშ დოლარად გაიყიდა.კომიქსი 2024 წელს სან-ფრანცისკოში მცხოვრებმა სამმა ძმამ აღმოაჩინა, რომლებიც გარდაცვლილი დედის სახლს ალაგებდნენ. სხვენში მათ ძველი კომიქსების დამალული საგანძური იპოვეს. ძმების თქმით კომიქსებს მათი ბიძა აგროვებდა დიდი დეპრესიისა და მეორე მსოფლიო ომის პერიოდში. კომიქსების შეფასების სერვისის Certified Guaranty Company-ის (CGC) თანახმად, ”სუპერმენის" №1 კომიქსს იშვიათი, 10 ქულიდან 9 ქულა მიენიჭა, რაც ნიშნავს, რომ კომიქსი იდეალურ მდგომარეობაშია. გასაოცარია, ამბავი რამდენად კარგადაა შენახული წიგნი, რადგან ის წლების განმავლობაში მხოლოდ მუყაოს ყუთში გაზეთებს შორის ინახებოდა. ამ პერიოდის 9 ქულით შეფასებული სხვა კომიქსი არ არსებობს.სააუქციონო სახლის Heritage Auctions-ის, რომელიც ბოლო წლებში კინო და პოპ კულტურის ყველაზე ძვირად ღირებულ აუქციონებს ატარებს, ვიცე-პრეზიდენტის, ლონ ალენის თქმით, კომიქსების არსებობის შესახებ ოჯახმა არაფერი იცოდა.


#ახალიამბები #BusinessMediaGeorgia