სამუშაო ადგილზე მომხდარი ფატალური, უბედური შემთხვევების რაოდენობა, 2025 წელს, წინა წლის ანალოგიურ პერიოდთან შედარებით 50%-ით არის შემცირებული. ამის შესახებ ინფორმაციას შრომის ინსპექცია ავრცელებს. მათივე ინფორმაციით, 2024 წლის მონაცემებით, 2018 წელთან შედარებით, როცა კანონი ამოქმედდა, ეს მაჩვენებელი 44%-ითაა შემცირებული, 2023 წელთან შედარებით კი 24%-იანი კლებაა.
ამასთან 2024 წელს საწარმოო უბედური შემთხვევების შედეგად მძიმედ დაშავებულ დასაქმებულთა რაოდენობა 25%-იან კლებას აჩვენებს 2023 წელთან შედარებით; ხოლო საშუალო სიმძიმით დაშავებულ დასაქმებულთა რაოდენობა 2024 წელს შემცირებულია 26%-ით.

2024 წლის საანგარიშო პერიოდში სამუშაო ადგილზე გარდაიცვალა 33 და დაშავდა 257. გარდაცვლილი 33 პირიდან ყველა კაცია, ხოლო დაშავებულთაგან 59 ქალი და 198 კაცი.
გარდაცვლილთა დასაქმების სფეროები შემდეგია:
მშენებლობა - 23
დამამუშავებელი მრეწველობა - 5
ელექტროენერგიის, აირის და ორთქლის მიწოდება - 3
წყალმომარაგება, კანალიზაცია, ნარჩენების მართვა - 1
სამთო-მოპოვებითი მრეწველობა და კარიერის დამუშავება - 1
დაღუპულთა უმრავლესობა თბილისში გარდაიცვალა, მეორე ადგილზე ამ კუთხით აჭარაა, მესამეზე კი იმერეთი.

რა გამოწვევები რჩება შრომის ბაზარზე უსაფრთხოების მხრივ?

სტუმარი: რაისა ლიპარტელიანი - საქართველოს პროფკავშირების გაერთიანების თავმჯდომარის მოადგილე;

#ახალიამბები #BusinessMediaGeorgia