აშშ-ის კოლუმბიის ოლქის სასამართლოს გადაწყვეტილებით, საქართველოს თურქული კომპანია
ENKA-ს სასარგებლოდ 400 მილიონ დოლარზე მეტი კომპენსაციის გადახდა დაეკისრა. შესაბამისი გადაწყვეტილება 11 სექტემბერს გამოქვეყნდა. „ნამახვანჰესის“ პროექტის გარშემო დაწყებული მრავალმილიონიანი დავა, რომლის შეჩერებასაც საქართველოს ხელისუფლება საფრანგეთის იურისდიქციაში უშედეგოდ ცდილობდა, ახლა უკვე აღსრულების ფაზაში შედის - შტატების სასამართლომ ნიუ-იორკის 1958 წლის კონვენციის საფუძველზე საერთაშორისო არბიტრაჟის განაჩენი აღსრულებაში მოაქცია. ყოველ გადაუხდელ კვარტალზე დარიცხული საპროცენტო განაკვეთის გამო, ქვეყნის ფისკალური ტვირთი ყოველდღიურად იზრდება. იურისტები და სფეროს ექსპერტები აღნიშნულ პროცესს სახელმწიფო ბიუროკრატიის ხარვეზებსა და რისკების არასწორ შეფასებას უკავშირებენ. რა უჯდება საქართველოს „ნამახვანჰესის“ წაგებული დავა და რა რისკებს აჩენს დავის დამატებით გაჭიანურება.


#ახალიამბები #BusinessMediaGeorgia