ირანულ ბაზარზე ავტომობილების რეექსპორტი წელს, 7 თვეში წინა წლის ანალოგიურ პერიოდთან შედარებით 78 458%-ითაა გაზრდილი. თუმცა, როგორც ავტოდილერები აცხადებენ, ირანის მიმართულება დროებითი მოვლენაა, რაც შესაძლოა, ნებისმიერ დროს შეიზღუდოს. გაზრდილია რეექსპორტი ტაჯიკეთშიც, თუმცა, შემცირებაა ყაზახეთის, ყირგიზეთისა და აზერბაიჯანის ბაზრებზე. ამჟამად, განბაჟების ახალი რეგულაციის ამოქმედების შემდეგ, ქვეყანაში ავტოიმპორტისა და რეექსპორტის მაჩვენებლები მნიშვნელოვნადაა შემცირებული. ავტოდილერების შეფასებით, ბაზარი ფაქტობრივად განახევრდა, ხოლო დარგში არსებული პროგნოზები, გამართლდა - ავტობიზნესმა ვერც იმპორტისა და ვერც რეექსპორტის ბაზრების დივერსიფიცირება ვერ შეძლო. დღესდღეობით დილერები ძირითადად, შიდა მოთხოვნის დაკმაყოფილებაზე არიან ორიენტირებული, თუმცა, შიდა ბაზრის მსყიდველობითი უნარი საკმაოდ დაბალია.

#ახალიამბები #BusinessMediaGeorgia