2026 წლის ივნისში არარეზიდენტების ჯამური უნაღდო დანახარჯები პოზიტიურ ზრდის ტემპს ინარჩუნებს, თუმცა რეგიონების მიხედვით დინამიკა არაერთგვაროვანია - ამის შესახებ თიბისი კაპიტალის კვლევაშია ნათქვამი. ტურიზმის პულსის მიხედვით, უცხოელების მხრიდან საზაფხულო მოთხოვნამ სასტუმროების სეგმენტი რესტორნებზე მეტად გააძლიერა. ჯამური ტრანზაქციების რაოდენობის ზრდამ დანახარჯების ზრდას გადააჭარბა, რაც მიუთითებს, რომ აქტივობა კვლავ ძლიერი იყო, თუმცა ერთ ტრანზაქციაზე საშუალო დანახარჯი შემცირდა. 2026 წლის ივნისში არარეზიდენტების ჯამური უნაღდო დანახარჯები წლიურად 21%-ით, ხოლო უნაღდო ტრანზაქციების რაოდენობა წლიურად 27%-ით გაიზარდა. თბილისში ივნისში სასტუმროებსა და რესტორნებში არარეზიდენტების უნაღდო დანახარჯების წლიური ზრდა 26% და 44 %-ს გაუტოლდა. აჭარაში სასტუმროებში დანახარჯები წლიურ ზრდას განაგრძობს, ხოლო რესტორნებში ზრდა უარყოფითია. რაც შეეხება კახეთს, რესტორნებში, როგორც უნაღდო დანახარჯები, ასევე საშუალო ტრანზაქციის მოცულობა გასულ წელთან შედარებით გაიზარდა. თუმცა, წლიურად შემცირდა სასტუმროებში უნაღდო დანახარჯები. ამასთან, Galt & Taggart-ის შეფასებით, ივნისში ტურიზმიდან მიღებული შემოსავლები წლიურად 6.3%-ით გაიზარდა 485 მლნ დოლარამდე. ჯამურად კი წლის პირველ ნახევარში ტურიზმის შემოსავლები 2 მლრდ დოლარს გაუტოლდა, რაც მცირედი, 0.2%-იანი კლებაა. რა ტენდენციებია ტურიზმის სექტორში და როგორია მოლოდინები?

სტუმარი: გიორგი დარციმელია - ტურისტული კომპანია „Queen Tamada“-ს დამფუძნებელი

#ახალიამბები #BusinessMediaGeorgia