ახლო აღმოსავლეთის კონფლიქტის ფონზე ქართველი ექსპორტიორებისთვის ყურის ქვეყნების ბაზარი „გამოცდის ზონად“ იქცა. საქართველოს ამ ბაზარზე პოზიციების გამყარება სურს, რასაც ასახავს არაბთა გაერთიანებულ საამიროებთან ყოვლისმომცველი ეკონომიკური პარტნიორობის შეთანხმება და ყურის სხვა ქვეყნებთან თავისუფალი ვაჭრობის საკითხზე მუშაობაც. 2025 წელს არაბთა გაერთიანებულ საამიროებში ექსპორტი 78.8 მლნ დოლარი იყო. წელს 3 თვეში 30.9 მლნ. საუდის არაბეთში კი შარშან 15.5 მლნ-ის პროდუქციის მიწოდება მოხდა, წელს კი, პირველ კვარტალში 6.5 მლნ-ის პროდუქცია გავიტანეთ. შედარებით მცირეა ექსპორტი ქუვეითსა და ყატარში. მცდელობების მიუხედავად, კი შეზღუდულია საექსპორტო საქონლის კალათაც. ამ ბაზრებზე ტრადიციულ გამოწვევებს ახლა საჰაერო გზის გაძვირება და შეფერხებაც დაერთო. ქართული აგროპროდუქციისთვის, განსაკუთრებით მალფუჭებადი საქონლისა და ცხვრის ხორცისთვის, საჰაერო გზა სწრაფი და ეფექტური არჩევანია თუმცა, ომი პირდაპირ აისახება საჰაერო დერეფნების შეცვლაზე, საწვავის ხარჯსა და ფრენის ხანგრძლივობაზე. ქართველი ექსპორტიორებისთვის ეს ტვირთის გადაზიდვის ტარიფების მკვეთრ ზრდას და ლოგისტიკური ხარჯების ზრდაში აისახება, რაც პროდუქციის ფასებისთვის ნეგატიური წნეხია. რა ტენდენციებია ირანში ომის 2 თვის თავზე ახლო აღმოსავლეთში ვაჭრობის კუთხით და როგორა მოლოდინები ზაფხულის სეზონისთვის, როდესაც საქართველოდან ამ ქვეყნებში მოცვის ექსპორტიც უნდა დაიწყოს?

სტუმარი: ეკატერინე ვეფხვაძე - „აგრითაჩის“ დამფუძნებელი

#ახალიამბები #BusinessMediaGeorgia