საინვესტიციო ბანკი Galt & Taggart ახლო აღმოსავლეთის ქვეყნებში მიმდინარე პროცესებს აფასებს. საინვესტიციო ბანკის დასკვნებით საქართველოს პირდაპირი ეკონომიკური კავშირები ირანთან მცირეა. 2025 წელს ირანის წილი მთლიან სავალუტო შემოდინებებში (ექსპორტი, ტურიზმი, პირდაპირი უცხოური ინვესტიციები და ფულადი გზავნილები) 0.9%-ს შეადგენდა. გასულ წელს ისრაელ-ირანს შორის მომხდარმა 12-დღიანმა კონფლიქტმა ცხადყო, რომ მას საქართველოზე ხელშესახები მაკროეკონომიკური გავლენა არ ჰქონია. საინვესტიციო ბანკის საბაზისო სცენარით, თუ კონფლიქტი დაახლოებით ერთ თვეს გასტანს, 2026 წლის მშპ-ის ზრდა მხოლოდ 0.2 პროცენტული პუნქტით შემცირდება, ინფლაციური ეფექტები კი ზომიერი და მეტწილად გარდამავალი იქნება. ვითარება საკმაოდ ცვლადია, და დარწმუნებული ვარ ამას ყურადღებით ადევნებენ თვალს წამყვანი საინვესტიციო ბანკის ეკონომისტები და მკვლევრებიც.

სტუმარი: ლაშა ქავთარაძე - Galt & Taggart, ეკონომისტი;

ინტერვიუერი: გიორგი ისაკაძე - BMG, გენერალური პროდიუსერი;

#ახალიამბები #BusinessMediaGeorgia