საჯარო სამსახურში კორუფციის პრევენციის მექანიზმები არ არსებობს, რაც სისტემურ ხასიათს ატარებს - ამის შესახებ ანალიტიკოსების ნაწილი აცხადებს აუდიტის სამსახურის მიერ ნავთობისა და გაზის კორპორაციაზე მომზადებული ანგარიშის კომენტირებისას. სახელმწიფო აუდიტის სამსახურის 24 აპრილის ანგარიშის მიხედვით, საქართველოს ნავთობისა და გაზის კორპორაციაში 2022-2023 წლებში სერიოზული ხარვეზები გამოვლინდა ფინანსურ მართვასა და კონტროლში. მათ შორისაა დაუსაბუთებელი 7.18 მლნ ლარის პრემიები, თანამშრომლებზე არასაპატიო გაცდენების მიუხედავად გაცემული 140 ათასამდე ლარის ანაზღაურება, შტატგარეშე თანამშრომლების საქმიანობის აღურიცხაობა, არათანაბარი ხელფასები ერთსა და იმავე პოზიციებზე და სხვა. პარლამენტის საფინანსო-საბიუჯეტო კომიტეტის თავმჯდომარე აცხადებს, რომ მომზადებული ანგარიში პროკურატურაში გადაგზავნილია, ხოლო ხარვეზები - აღმოფხვრილი. რა კონკრეტული დარღვევები გამოავლინა აუდიტმა ნავთობის და გაზის კორპორაციაში, რომელიც სახელმწიფოს კონტროლს დაქვემდებარებული სააქციო საზოგადოებაა, აუდიტის მიზანი კი, მისი საფინანსო-ეკონომიკური საქმიანობის მოქმედ კანონმდებლობასთან შესაბამისობის შესწავლა იყო.


#ახალიამბები #BusinessMediaGeorgia