პანდემიის შემდეგ პირველად საქართველოს ელექტროენერგიის მოხმარებაში დისბალანსის შევსება თურქეთიდან იმპორტითაც სჭირდება. დეკემბერში საქართველომ მეზობელი ქვეყნიდან 40,54 მლნ კვტ.სთ ელექტროენერგია შეიძინა. იანვარში იმპორტმა 118.78 მლნ კვტ.სთ შეადგინა, მარტში კი, ოპერატიული მონაცემებით 58 მლნ კვტ.სთ-ს შემოტანა მოხდა. იმპორტის საჭიროება როგორც ჩანს აპრილშიც გამოჩნდა. ასევე ოპერატიული მონაცემები აჩვენებს, რომ მაგალითად, 16 აპრილს 250 მეგავატის გადმოდინება ხდებოდა. პარალელურად, ჩანს რომ აზერბაიჯანიდან იმპორტი შემცირებულია და პირიქით, მცირე მოცულობის მაგრამ მაინც ზამთრის თვეებში ექსპორტიც ხდება. მაგალითად, თებერვალში ექსპორტმა 6.4 მლნ, მარტში კი, 5 მლნ კვტ.სთ შეადგინა. აპრილში ამ დროისათვის ექსპორტი 8.2 მლნ-ია. თუმცა აღსანიშნავია ისიც, რომ აზერბაიჯანიდან იმპორტიც აღირიცხება. მიზეზი, რატომაც თურქეთიდან ელექტროენერგიის იმპორტი იპყრობს ყურადღებას ფასია. მაგალითად დეკემბერში 1 კვტ.სთ-ის შეძენა საშუალოდ 8.5 ცენტრი ღირდა. იანვარში 8.6 ცენტი- რატომ გახდა საჭირო ძვირიანი თურქული ელექტროენერგიის შეძენა და ტენდენციას აჩვენებს რიცხვები?

სტუმარი: მარიამ ჩახვაშვილი - საინვესტიციო ბანკ Galt & Taggart-ის კვლევების დეპარტამენტის სექტორის უფროსი

#ახალიამბები #BusinessMediaGeorgia