პლასტიკი გარემოსთვის პრობლემაა, მთავრობამ პრობლემის გადაწყვეტა მისი მოგვარების ნაცვლად გამომწვევი მიზეზის გაქრობით გადაწყვიტა. პლასტიკის ბოთლებით წყალი, ალკოჰოლური და არაალკოჰოლური სასმელები პრაქტიკულად სრულად აიკრძალება. არადა, მსოფლიო ბანკის ფინანსური მხარდაჭერით ჩატარებულ კვლევაში, რომელიც გარემოს დაცვისა და სოფლის მეურნეობის სამინისტროს პლასტმასის ბოთლებით სასმლის გაყიდვის შეზღუდვის არგუმენტად მოჰყავს, მსგავსი აკრძალვის რეკომენდაცია გაცემული არაა. ინდუსტრიისთვის შოკის გარდა საკითხი მომხმარებლებისთვისა მნიშვნელოვან გამოწვევად შეიძლება იქცეს. კომპანია პეპსის წარმომადგენლის გათვლებით პლასტიკის მინის ბოთლით ჩანაცვლება პროდუქტს მინიმუმ 2,5 ჯერ გააძვირებს.


#ახალიამბები #BusinessMediaGeorgia