აკრძალვის ნაცვლად განბაჟების ექვსჯერ გაძვირება - 6 წელზე ძველ ავტომობილებზე მთავრობამ ახალი გადაწყვეტილება მიიღო. დღეს მთავრობის სხდომაზე ირაკლი კობახიძემ თქვა, რომ გადაიფიქრეს 1 აპრილიდან 6 წელზე მეტი წლოვანების ავტომობილების შემოყვანის აკრძალვა და სანაცვლოდ დაწესდება განბაჟების 4.5 ლარიანი ტარიფი, ანუ აქციზი ერთ კუბურ სანტიმეტრზე 4.5 ლარი იქნება. ირაკლი კობახიძე ამბობს, რომ გადაწყვეტილება გარემოზე ზრუნვისთვის არის მიღებული, თუმცა კორექტირება კერძო სუბიექტების ინტერესების გამო მოხდა. რეალურად ვის ინტერესს მოერგო გადაწყვეტილების ცვლილება და რა შეფასებები მოჰყვა არა პირდაპირ აკრძალვით არამედ აქციზის მკვეთრი ზრდით ავტომობილების იმპორტის შეზღუდვას.


#ახალიამბები #BusinessMediaGeorgia