1 აპრილიდან საქართველოში 6 წელზე მეტი წლოვანების ავტომობილების იმპორტის აკრძალვა იგეგმება. კერძოდ, 1 აპრილიდან იკრძალება 6 წელზე მეტი ასაკის M1 კატეგორიის ავტომობილების იმპორტი, პირველადი და დროებითი რეგისტრაცია. გამონაკლისები ვრცელდება იმ M1 კატეგორიის ავტომობილებზე, რომელთა ტრანსპორტირება დაწყებულია 1 აპრილამდე ან რომელიც უკვე შემოყვანილია საქართველოს საბაჟო ტერიტორიაზე, ასევე რეგულაცია არ ვრცელდება ელექტრომობილებზე. ქართულ ოცნებაში შეზღუდვის მოტივად ეკოლოგიური მდგომარეობის გაუმჯობესებას და საგზაო მოძრაობის განტვირთვას ასახელებენ. თავად ავტოიმპორტიორები კი აცხადებენ, რომ ახალი ინიციატივა ბაზარზე არაერთი მიმართულებით ნეგატიურად აისახება. ერთი მხრივ, კომპანიების და დილერების ბრუნვები და იმპორტი შემცირდება, მეორე მხრივ კი მომხმარებელს გაუძვირდება როგორც შედარებით ახალი, ასევე უკვე ბაზარზე რეგისტრირებული ავტომობილები. რა გავლენა ექნება 6 წელზე მეტი წლოვანების ავტომობილების იმპორტის შეზღუდვას როგორც ავტობაზარზე, ასევე რიგით მომხმარებელზე?

სტუმარი: ლაშა დარბაისელი - ავტოიმპორტიორთა ასოციაცია, თავმჯდომარე

#ახალიამბები #BusinessMediaGeorgia