ენერგოობიექტების მიერ გადახდილი ქონებისა და მიწის გადასახადის ნაწილი შესაძლოა კონკრეტულად იმ სოფელსა თუ თემს გადაეცეს, სადაც ეს ელექტროსადგურია განთავსებული- რამდენიმე წლიანი ლოდინის შემდეგ, განახლებადი ენერგიის განვითარების ასოციაციის მიერ მომზადებული კანონპროექტი პარლამენტს საგაზაფხულო სესიაზე უნდა წარედგინოს. აღნიშნულს კანონშემოქმედებითი საქმიანობის მოკლევადიანი გეგმა ითვალისწინებს, რომელიც მთავრობამ უკვე დაამტკიცა. საუბარია განახლებადი ენერგიის რესურსებიდან წარმოშობილი გრძელვადიანი სარგებლის განაწილების პრინციპებზე. კერძოდ, ის ადგენს გრძელვადიანი სარგებლის განაწილების წესს ელექტროენერგიის მწარმოებელს, პროექტის განხორციელების არეალში მოქცეულ დასახლებას და მუნიციპალიტეტის ორგანოებს შორის, სადაც უშუალოდ ხორციელდება განახლებადი ენერგიის ისეთი პროექტი, რომელიც ერთი ან რამდენიმე დასახლების საცხოვრებელ გარემოზე ახდენს გავლენას. რას მოიაზრებს კანონპროექტი, რა სარგებელი შეიძლება მიიღოს იმ სოფელმა თუ რაიონმა სადაც ჰესები შენდება და იქნება თუ არა ის გარდამტეხი იმ ელექტროსადგურებისთვის, რომლებიც მოსახლეობის მხრიდან არსებული ნეგატიური დამოკიდებულების გამო ვერ შენდება?

სტუმარი: ლევან კოკაია - GREDA-ს იურისტი

#ახალიამბები #BusinessMediaGeorgia