დამსაქმებლის მიერ საპენსიო შენატანის ვალდებულების არაჯეროვანი შესრულებისთვის ბიზნესს 2025 წლის ივნისიდან ნოემბრის ჩათვლით 2.952 მლნ ლარის ჯარიმა დაეკისრა. კანონის გამკაცრებამდე ხაზინაში ამ მუხლით გადახდილი ჯარიმიდან მხოლოდ 1600 ლარი იყო შესული. „დაგროვებითი პენსიის შესახებ“ კანონში შესული ცვლილებით კი, 2025 წლის 1 მაისიდან საპენსიო ფონდის და შემოსავლების სამსახურის დეკლარაციის ბაზა გაერთიანდა და ბიზნესის მიერ ერთი, საშემოსავლო დეკლარაციის გადაგზავნა ხდება. შედეგად, საპენსიო ფონდს უადვილდება დამსაქმებლის მიერ საპენსიო შენატანის ვალდებულების არაჯეროვანი შესრულებაზე რეაგირება და კომპანიისთვის ჯარიმის დაკისრება, რაც პირველ ჯერზე 500 ლარია, განმეორების შემთხვევაში კი 1000 ლარი. გარდა ჯარიმისა, რომელიც ბიუჯეტში მიემართება ვალდებულების შეუსრულებლობისთვის დამსაქმებელს ეკისრება საურავიც, საპენსიო შენატანის იმ ოდენობაზე, რომელიც არ ფონდში არ გადარიცხულა, ან ვადის დარღვევით გადაირიცხა. საურავის ოდენობა თითოეული ვადაგადაცილებული დღისთვის არის ეროვნული ბანკის მიერ დადგენილი მონეტარული პოლიტიკის განაკვეთისთვის დამატებული 5 პროცენტი. როგორ მუშაობს რეგულაცია და რაზე უნდა გაამახვილოს ბიზნესმა ყურადღება?

სტუმარი: ნანა ახალაია - ბიზნეს საკონსულტაციო ორგანიზაცია "რაციოს" ხელმძღვანელი;

#ახალიამბები #BusinessMediaGeorgia