2025 წელს ეიპიემ ტერმინალს ფოთმა რეკორდული რაოდენობის საკონტეინერო ტვირთი დაამუშავა. პორტის მენეჯმენტის ცნობით, გასულ წელს ფოთის პორტმა 636 466 ერთეული კონტეინერი დაამუშავა, რაც 2024 წლის იგივე პერიოდთან შედარებით 17%-ით მაღალი მაჩვენებელია. ამავდროულად, 2025 წლის მონაცემებით, 16%-ით გაზრდილია საკონტეინერო გემების მიღებაც. „ეიპიემ ტერმინალს ფოთმა“ გასულ წელს 362 საკონტეინერო გემი მიიღო, მაშინ როდესაც 2024 წელს - 313 გემის მომსახურება მოხდა. რაც შეეხება გენერალურ ტვირთს, კომპანიის მიერ 2025 წელს 243 048 ტონა ტვირთი დამუშავდა, რაც 1%-ით დაბალი მაჩვენებელია შარშანდელ ანალოგიურ პერიოდთან მიმართებაში. საბორნე გზით მიღებული ტვირთი 2024 წელთან შედარებით მომატებულია. 2025 წელს ამ გზით 164 631 ტონა ტვირთი შემოვიდა. რა ტიპის ტვირთს მოემსახურა გასულ წელს საქართველოს უმსხვილესი ნავსადგური და რა გეგმები აქვს ეიპიემს წელს საქართველოში?

სტუმარი: ზვიად ჩხარტიშვილი - ფოთის საზღვაო ნავსადგურის ადმინისტრაციის ხელმძღვანელი

#ახალიამბები #BusinessMediaGeorgia