„ამბასადორი აილენდ ბათუმის” პროექტს განვითარების თვალსაზრისით წელს მნიშვნელოვანი შედეგები ჰქონდა, რადგან ხელოვნური კუნძულის პროექტი დაგეგმვის ეტაპიდან უკვე განხორციელების ფაზაში აქტიურად გადავიდა. წლის ბოლოს პროექტის მიწის სამუშაოების 50%-ზე მეტი უკვე განხორციელებულია - ტერიტორიის 26 ჰა ექსპლუატაციაში მიღებულია, ხოლო საპროექტო არეალის 48 ჰა ზღვაში ფორმირებულია. „ამბასადორი აილენდ ბათუმის“ პროექტი, მისი განხორციელების შემდეგ, ქვეყნის ბიუჯეტში წლიურად 65 მლნ დოლარის გადასახადებს გადაიხდის. ღია, საჯარო მონაცემებზე დაყრდნობით ეს ზუსტად ის ეკონომიკური მაჩვენებელია, რომლის აკუმულირებასაც ბაქო–თბილისი–ჯეიჰანის გლობალური ეკონომიკური პროექტი ახდენს. როგორც აილენდ ბათუმის“ გენერალური დირექტორი განმარტავს, ამ დროისათვის კომპანიას შავ ზღვაში გაშენებული აქვს 48 ჰა ტერიტორია, რომელიც იანვარში უკვე ექსპლუატაციაში იქნება მიღებული. გოჩა კამკიამ ჩვენთან ინტერვიუშიც აღნიშნა რამდენიმე კვირის წინ, რომ მომავალ წელს ტერიტორიაზე სავაჭრო ცენტრის მშენებლობაც დაიწყება.

#ახალიამბები #BusinessMediaGeorgia