შემავსებელი თუ ჩამნაცვლებელი? - შეცვლის თუ არა ე.წ "ტრამპის მარშრუტი" “შუა დერეფნის” სტატუსს - გეოპოლიტიკაში ტექტონიკური ცვლილებების ფონზე, როგორც ჩანს დიდი სახელმწიფოების ფოკუსში ის სივრცე მოხვდა, რომელიც აღმოსავლეთიდან დასავლეთისკენ ტვირთების გატარების არტერიად განიხილება. ამ სატრანსპორტო არტერიის გაკონტროლების სურვილი აქვს ჩინეთს, ტვირთის ერთ-ერთ უმთავრეს მფლობელს, რომელიც შუა დერეფანს „ერთი სარტყელი ერთი გზის" პროექტის ნაწილად განიხილავს და რომელსაც შუა დერეფნის მონაწილე ქვეყნებთან ყაზახეთთან, საქართველოსა და აზერბაიჯანთან სტრატეგიული პარტნიორობა აკავშირებს. ეს რეგიონი მნიშვნელოვანია შეერთებული შტატებისთვისაც და ამის დასტურია ისიც, რომ აზერბაიჯანსა და სომხეთს შორის სამშვიდობო დეკლარაცია სწორედ აშშ-შ გაფორმდა და პირადად პრეზიდენტმა ტრამპმა გამოუცხადა მხარდაჭერა ე.წ. „ტრამპის მშვიდობის დერეფანს", ანუ ზანგეზურის კორიდორს, როგორც მას აზერბაიჯანი მოიხსენიებს. ნოემბერში თეთრ სახლს სტუმრობდა ცენტრალური აზიის ხუთივე ქვეყნის მეთაური, სადაც მრავალ საინვესტიციო ინიციატივას ჩაეყარა საფუძველი. თუმცა არსად ჩანს საქართველო, რომელსაც ახლა დასავლეთთან, მათ შორის შეერთებულ შტატებთან უკიდურესად გართულებული ურთიერთობები აქვს. რა ბედი ელის შუა დერეფანს ახალ რეალობაში და იქცევა თუ არა სამხრეთ კავკასიისა და ცენტრალური აზიის რეგიონი, დიდი სახელმწიფოების გავლენების მთავარ საჯილდაო ქვად?

სტუმარი: ბექა ნაცვლიშვილი - პოლიტეკონომისტი, ჩინეთისა და სამხრეთ-აღმოსავლეთ აზიის კვლევის ცენტრის ხელმძღვანელი

#ახალიამბები #BusinessMediaGeorgia