ტრანსკასპიურ საერთაშორისო სატრანსპორტო მარშრუტზე ანუ შუა დერეფანში ტვირთბრუნვა მზარდია, თუმცა მონაწილე ქვეყნებს შორის მეტი კოორდინაციის და დამატებითი ინვესტიციების საჭიროება იკვეთება. ამ საკითხებზე დღეს ევროკავშირი-საქართველოს ბიზნეს საბჭოს ორგანიზებით გამართულ შავი ზღვის პლატფორმის ყოველწლიური კონფერენციის ფარგლებში მსჯელობდნენ. ღონისძიების მონაწილეები აღნიშნავენ, რომ საქართველოს სატრანსპორტო დერეფანში კვლავ ბევრი გამოწვევაა, მათ შორის პორტების შეზღუდული გამტარუნარიანობა და არასაკმარისი ლოგისტიკური ცენტრები. როგორ უნდა შეინარჩუნოს შუა დერეფნის მარშრუტმა მზარდი კონკურენციის პირობებში აქტუალობა და რა ძირითადი გამოწვევების წინაშე არიან მონაწილე ქვეყნები?


#ახალიამბები #BusinessMediaGeorgia