Galt & Taggart-ის თბილისის საცხოვრებელი უძრავი ქონების მიმოხილვის თანახმად, 2025 წლის 7 თვეში თბილისში სულ 22,778 ბინა გაიყიდა და ჯამურმა ღირებულებამ 1.8 მლრდ აშშ დოლარი შეადგინა.

ივლისში მეორად ბაზარზე გაყიდვების ზრდა გაგრძელდა და 2023 წლის დეკემბრის შემდეგ ყველაზე მაღალ ნიშნულს მიაღწია. ამასთან, წელს გაყიდვების მაქსიმალური მაჩვენებელი დაფიქსირდა პირველად ბაზარზეც, რასაც მიმოხილვის თანახმად, ნაწილობრივ ხელი ივლისში შეთავაზებულმა ფასდაკლებებმაც შეუწყო. Galt & Taggart-ში აღნიშნავენ, რომ ეს ტენდენციები შენელებული მოთხოვნის პერიოდის შემდეგ ბაზრის სტაბილიზაციაზე მიუთითებს. მიწოდების მხარეს, გაცემული ნებართვების მოცულობა ივლისში გაიზარდა. ამასთან, ფასებმაც ზრდა განაგრძო როგორც პირველად, ასევე მეორად ბაზარზე.

მათ მიერ მომზადებული მიმოხილვის თანახმად, პროექტებში, რომლებიც 2025 წელს სრულდება, ბინების 83% გაყიდულია.აღსანიშნავია, რომ გაყიდვების უმეტესი ნაწილი დეველოპერების მიერ შეთავაზებული შიდა განვადებებით განხორციელდა.

სტუმრები: ზუკა თავყელიშვილი - Galt & Taggart-ის ასოცირებული მკვლევარი;
ოთარ ცუხიშვილი - Galt & Taggart-ის უფროსი ანალიტიკოსი


#ახალიამბები #BusinessMediaGeorgia