საქსტატის მონაცემებით, 2025 წლის პირველ ნახევარში საქართველოში 5,424 სამშენებლო ნებართვა გაიცა, რაც წინა წელთან შედარებით 3%-ით ნაკლებია. ამ სამშენებლო ნებართვებით გათვალისწინებული ობიექტების ჯამური ფართობი 5.19 მილიონი კვადრატული მეტრია, რაც წინა წლის ანალოგიურ პერიოდთან შედარებით 3.8%-ით ნაკლებია.

გაცემული სამშენებლო ნებართვების 46% მოდის თბილისზე, 12.3% ქვემო ქართლზე, 8.5% კახეთზე და 6.8% კი მცხეთა-მთიანეთის რეგიონზე. ამასთან, აჭარაზე სამშენებლო ნებართვების მხოლოდ 6.4% ნაწილდება.

გაცემული ნებართვების უდიდესი ნაწილი - 4.1 მილიონი კვადრატული მეტრი და 3,800 ნებართვა მოდის საცხოვრებელი სახლების მშენებლობაზე, სამრეწველო ობიექტების ფართობი 462 ათასი კვადრატული მეტრია, სავაჭრო ობიექტების 218 ათასი კვადრატული მეტრი, 152 ათასი კვადრატული მეტრი მოდის ახალი სასტუმროების ნებართვებზე 48 ათასი კვადრატული მეტრი კი ახალ სასწავლო დაწესებულებებზე.
რაც შეეხება დასრულებულ ობიექტებს, საანგარიშო პერიოდში მათი ფართობი 1.6 მილიონი კვადრატული მეტრი იყო, რაც წლიურად 0.3%-ით ზრდას ნიშნავს.

საქსტატის თანახმად, ექსპლუატაციაში მიღებული ობიექტების 35.9% თბილისშია, 12.6% - მცხეთა-მთიანეთის რეგიონში, 11% - კახეთში, 8.7% ქვემო ქართლში, 8.6% იმერეთში, სამეგრელო-ზემო სვანეთში 5.2%, აჭარაში მხოლოდ 3.7%.

რას აჩვენებს უძრავი ქონების ბაზარი წლის პირველ ნახევარში?

სტუმარი: ირინა კვახაძე - თიბისი კაპიტალის კვლევების მიმართულების ხელმძღვანელი

#ახალიამბები #BusinessMediaGeorgia