საქსტატმა 2025 წლის პირველი ნახევრის ექსპორტის მაჩვენებლები გამოაქვეყნა, რომლის მიხედვითაც ექსპორტი წელს 13%-ით 3.2 მილიარდ დოლარამდე გაიზარდა. საქსტატის თანახმად, ექსპორტის ზრდაზე მნიშვნელოვანი გავლენა მოახდინა მსუბუქი ავტომობილების რეექსპორტის გააქტიურებამ, რომელიც წელს 30%-ით, 1.2 მილიარდ დოლარამდე გაიზარდა. მეორე ადგილს 175 მილიონი დოლარით ძვირფასი ლითონების მადნები და კონცენტრატები იკავებს, რომლის ექსპორტიც წელს 72%-ით გაიზარდა. თუმცა კვლავ კლება ფიქსირდება ღვინის ექსპორტის მიმართულებით. რაც შეეხება იმპორტს, 2025 წლის პირველ ნახევარში საქართველომ უცხოეთიდან სულ 8.7 მილიარდი დოლარის საქონელი შეიძინა, რაც წინა წლის ანალოგიურ პერიოდთან შედარებით 12%-ით მეტია. იმპორტის ზრდაზე მნიშვნელოვანი გავლენა მოახდინა საქართველოში ნახატების იმპორტის ერთჯერადმა ოპერაციამ.

#ახალიამბები #BusinessMediaGeorgia