ევროკავშირის მხრიდან საქართველოსთვის გამოგზავნილ წერილში არჩევანი სტაბილურობასა და უვიზო მიმოსვლას შორის აღწერილი არ ყოფილა. ევროპული გაერთიანების წევრ ქვეყნებთან უვიზო მიმოსვლის შესაძლებლობის სიკეთეებზე "ქართული ოცნების" წევრებისგან წლების განმავლობაში არაერთი განცხადება გაკეთებულა და მათ შორის იმ სარგებელზე რაც ეკონომიკურად ვიზა ფრის საქართველოსთვის მინიჭებას მოჰყვა.
რა სარგებელი აქვს საქართველოსთვის უვიზო მიმოსვლას ამის აღწერას დღევანდელ საქმის კურსის ეთერში ვერ გავწვდებით, თუმცა რისკები რომელიც მის შესაძლო გაუქმებას ტურიზმის სექტორისთვის შეიძლება მოჰყვეს ამ სფეროში დასაქმებულებს უკვე აწუხებთ. ტურისტულ კომპანიებში ამბობენ, რომ უვიზო რეჟიმის გაუქმება პირველ რიგში, ნეგატიურად გამყვან ტურიზმზე აისახება და მკვეთრად შემცირდება იმ მოქალაქეების რაოდენობა, ვინც სავიზო რეჟიმის პირობებში ევროპაში მოგზაურობას შეძლებს. ამას გარდა მოლოდიონია, რომ დაბალბიუჯეტური ავიაკომპანიებისათვის საქართველოს ბაზარი საინტერესო აღარ იქნება და ან ბაზარს დატოვებენ ან ბილეთებს გააძვირებენ.

#ახალიამბები #BusinessMediaGeorgia