ჯანდაცვის მთლიან დანახარჯებში ჯიბიდან გადახდებზე კვლავ მნიშვნელოვანი წილი მოდის. როგორც "თიბისი კაპიტალის" ჯანდაცვის სექტორის მიმოხილვაშია აღნიშნული, 2023 წლის მონაცემებით ჯიბიდან გადახდების წილი 40% იყო, სახელმწიფო ხარჯები 50%, ხოლო 9% კერძო დაზღვევა. პუბლიკაციაში ნათქვამია, რომ საქართველოში ჯანდაცვის მთლიან დანახარჯებში ჯიბიდან გადახდების წილი სხვა ქვეყნებთან შედარებით მაღალია. 2023 წლის მონაცემებით, ჯიბიდან გადახდების წილის მაჩვენებლით, საქართველო ევროპისა და ცენტრალური აზიის 49 ქვეყანას შორის 10-ე ადგილს იკავებდა. აღსანიშნავია, რომ საქართველოს ჯანდაცვის სტრატეგიის მიხედვით, მიზანი 2030 წლისთვის ჯანდაცვაზე ჯიბიდან გადახდების წილის 25%-მდე შემცირებაა. ჯიბიდან გადახდებში ერთ-ერთი ყველაზე დიდი წილი მედიკამენტებს უჭირავს. რა განაპირობებს ამ მაჩვენებელს?

სტუმარი: ლაშა ნიკოლაძე - დაზღვევის კავშირის ხელმძღვანელი;

#ახალიამბები #BusinessMediaGeorgia