სექტემბრიდან ბიზნესს შრომის უსაფრთხოებასთან დაკავშირებული ახალი რეგულაციების დაკმაყოფილება მოუწევს. ჯანდაცვის სამინისტრომ სამუშაო მოწყობილობების გამოყენებისას უსაფრთხოების და ჯანმრთელობის დაცვასთან დაკავშირებული მინიმალური მოთხოვნების შესახებ ტექნიკური რეგლამენტი შეიმუშავა, რომელიც ეხება თითქმის ყველა ბიზნესს, რომელიც სამუშაო სივრცეში მანქანა/დანადგარებს, აპარატურას, ხელსაწყოებს ან მოწყობილობებს იყენებს. რეგლამენტი დამსაქმებელს ავალდებულებს მიიღოს სათანადო ზომა იმისთვის, რომ დასაქმებული უზრუნველყოს უსაფრთხო სამუშაო მოწყობილობებით. ამ სამუშაო მოწყობილობებს კი უნდა გააჩნდეს შესაბამისი ტექნიკური დოკუმენტაცია და მისი ექსპლუატაციაც მასში განსაზღვრული მითითებების შესაბამისად უნდა ხორციელდებოდეს. ამასთან, აღნიშნული რეგლამენტით დამსაქმებელი ვალდებულია, გარკვეული პერიოდულობით ახდენდეს სამუშაო მოწყობილობების შემოწმებას, რაც დოკუმენტურად უნდა გაფორმდეს, ჩანაწერები კი პასუხისმგებელ პირთან უნდა ინახებოდეს. სამუშაო მოწყობილობების გამოყენებისას უსაფრთხოების და ჯანმრთელობის დაცვასთან დაკავშირებული მინიმალური მოთხოვნების შესახებ რეგლამენტის დამტკიცებული პროექტის მიხედვით, ცვლილებების ნაწილი მიმდინარე წლის 1 სექტემბრიდან, სპეციფიკური მოწყობილობებისთვის კი 2026 წლის იანვრიდან უნდა ამოქმედდეს. რამდენად მზად არის ბიზნესი ახალი მოთხოვნებისთვის?

სტუმარი: მიხეილ კორძახია - “ბიზნეს საქართველოს” პრეზიდენტი


#ახალიამბები #BusinessMediaGeorgia