ლონდონში, თიბისი ლიზინგს და EBRD-ს შორის ხელშეკრულებას ხელი მოეწერა, რომლის ფარგლებშიც თიბისი ლიზინგმა 11 მილიონი ევროს ოდენობის ფინანსური რესურსი მოიზიდა. ტრანზაქცია ინსტიტუტებს შორის თანამშრომლობის ერთ-ერთი ნაწილია და ასახავს ორგანიზაციების მზაობას, ხელი შეუწყონ ქართული ბიზნესების, განსაკუთრებით კი, მცირე და საშუალო საწარმოების განვითარებას.
თიბისი ლიზინგის ინფორმაციით, დაფინანსების 50% მიმართული იქნება მწვანე ინვესტიციებზე, რაც კომპანიებს საშუალებას მისცემს ისარგებლონ სპეციალური სალიზინგო პროდუქტებით განახლებადი ენერგიის და მდგრადობაზე ორიენტირებული აქტივების მიმართულებით. მეტ ქართულ კომპანიას ექნება საშუალება გაეცნონ მსოფლიო ტენდენციებს გარემოსდაცვითი, მდგრადი გადაწყვეტილებების მიმართულებით და მიიღონ დაფინანსება საკუთარი ბიზნესის განვითარებისთვის.

#ახალიამბები #BusinessMediaGeorgia