თიბისი ლიზინგმა, მისი დიდი ხნის პარტნიორი „ბლუორჩარდ მიკროსაფინანსო ფონდიდან“ 30 მილიონი აშშ დოლარის ოდენობის საკრედიტო ხაზი მოიზიდა. რესურსი სრულად იქნება მიმართული MSME სექტორის გაძლიერებისკენ. ეს „თიბისი ლიზინგის“ ისტორიაში ყველაზე დიდი ერთჯერადი დაფინანსების ხელშეკრულებაა, რაც ხაზს უსვამს ორივე ინსტიტუტის ერთგულებას ფინანსური ინკლუზიურობის ხელშეწყობისა და მიკრო, მცირე და საშუალო საწარმოებისთვის (MSME) დივერსიფიცირებული საფინანსო პროდუქტების შეთავაზებისთვის. რესურსი იძლევა სტრატეგიულ შესაძლებლობას ადგილობრივი ბიზნესებისთვის კაპიტალზე წვდომის გასაფართოებლად, მეწარმეობის სტიმულირებისა და მდგრადი ეკონომიკური ზრდის ხელშეწყობის მიზნით.


#ახალიამბები #BusinessMediaGeorgia