საპენსიო ფონდის მმართველობითი საბჭოს თავმჯდომარე გია მორჩილაძე ამბობს, რომ საბჭოს პირველი ამოცანა ფონდის დებულების პროექტზე მუშაობაა. მან ამის შესახებ ჟურნალისტებს საპენსიო სააგენტოს 2024 წლის საქმიანობის ანგარიშის პრეზენტაციაზე განუცხადა. მისივე თქმით, გაგრძელდება მუშაობა საინვესტიციო პოლიტიკის დოკუმენტზე.რაც შეეხება საპენსიო დანაზოგის ინფრასტრუქტურულ პროექტებში შესაძლო ინვესტირებას, გია მორჩილაძის თქმით, ამ მიმართულებით ამჟამად განხილვა არ მიმდინარეობს. დღეს საპენსიო სააგენტომ 2024 წლის შედეგები გააანალიზა და სამომავლო გეგმებზე ისაუბრა. ბოლო მონაცემებით, დანაზოგების ამონაგები 1.5 მლრდ ლარს აჭარბებდა. თუმცა ამ დრომდე თანხის უდიდესი ნაწილი ისევ კონსერვატიულ ანუ დაბალრისკიან პორტფელშია აკუმულირებული. როგორ განკარგავს საპენსიო სააგენტო 6.5 მილიარდი ლარის დანაზოგებს. რა იქნება პრიორიტეტი, რომ დანაზოგებს რეალურად მაღალი ამონაგები დაერიცხოს და რა ტიპის პროექტებში შეიძლება ჩაიდოს საპენსიო დანაზოგები?

სტუმარი: ანა ნაჭყებია - საპენსიო სააგენტოს მთავარი საინვესტიციო ოფიცრის მოვალეობის შემსრულებელი


#ახალიამბები #BusinessMediaGeorgia