ნაციონალურ საკალათბურთო ასოციაციაში აღმოსავლეთ კონფერენციის პლეი-ოფის ნახევარფინალები დაიწყო.

გუშინ სერიის პირველი მატჩი გამართეს ბოსტონ სელტიქსმა და ვაშინგტონ უიზარდსმა. თავიდან სტუმრებს შესანიშნავი სტარტი გამოუვიდათ და 20-3 დაწინაურდნენ, თუმცა ბოსტონელებმა სხვაობის შემცირება მეთოდურად დაიწყეს და ბოლო მეოთხედს 15 ქულიანი ჰანდიკაპით შეხვდნენ.

სელტიქსს აიზია ტომასმა ულიდერა 33 ქულით და 9 შედეგიანი გადაცემით. 24 ქულა მოაგროვა ჯაე კრაუდერმა.

საბოლოოდ ბოსტონელებმა თამაში ანაგრიშით 123-112 მოიგეს და სერიაში დაწინაურდნენ. ამ წყვილის მეორე დაპირისპირება ზეგ, ისევ ბოსტონის თიდი გარდენში ჩატარდება.

გუშინვე, დასავლეთ კონფერენციიდან ნახევარფინალის საგზური იუტა ჯაზმა მოიპოვა. ჯაზმენებმა სერიის მეშვიდე, გადამწყვეტ შეხვედრაში ლოს ანჯელეს კლიპერსი სტუმრად დაამარცხეს.

იუტას მეტოქე მომდევნო ეტაპზე გოლდენ სტეიტ უორიორზი იქნება.