ნაციონალურ საკალათბურთო ასოციაციაში პლეი ოფის პირველი რაუნდის შეხვედრები მიმდინარეობს.

ჩიკაგო ბულზმა ბოსტონ სელტიქსის წინააღმდეგ აღმოსავლეთ კონფერენციაში ორივე საგარეო მატჩი მოიგო.

დღეს დილით, თიდი გარდენში გამართული მატჩი ჩიკაგოელების უპირატესობით წაირმართა.

აღსანიშნავია, რომ ბულზმა ოთხივე მეოთხედში აჯობა ფავორიტად შერაცხულ სელტიქსს და საბოლოოდ 14 ქულიანი უპირატესობით, ანგარიშით 111-97 გაიმარჯვა.

სტუმართა რიგებში 22-22 ქულით ჯიმი ბატლერი და დუეინ უეიდი გამოირჩნენ. ჩიკაგო ბულზი სერიას 2-0 იგებს მომდევნო ორ შევხედრას, უკვე საკუთარ იუნაიტედ ცენტრში ჩაატარებს.

გუშინვე, ლოს ანჯელეს კლიპერსმა 99-91 დაამარცხა იუტა ჯაზი და სერიაში ანგარიში გაათანაბრა. ასევე, თანაბარი ანგარიშია საერთო სერიაში ტორონტო რეპტორზსა და მილუოკი ბაქსს შორის. გუშინ, კანადურმა კლუბმა 106-100 გაიმარჯვა.