ლისის ტბის მიმდებარე ტერიტორიაზე ხეების დაზიანების ფაქტს ეხმაურება პარტია ახალი საქართველო. გიორგი ვაშაძე აცხადებს, რომ ლისზე არსებული ვითარების შესახებ მოქალაქეებმა აცნობეს, ადგილზე მისულ პარტიის წევრებს კი ხეები დამწვარი დახვდათ.
ვაშაძე მომხდარს ბიზნესინტერესებს უკავშირებს და ვარაუდობს, რომ მწვანე საფარის განადგურება მიზანმიმართულად ხდება.
პარტიაში არ იზიარებენ დეველოპერული კომპანიის, ლისი დეველოპმენტის მიერ სოციალურ ქსელში გავრცელებულ განცხადებას, თითქოს ხეები რამდენიმე წლის წინ დაიწვა. მისი განცხადებით, მსგავსი ფაქტის შემთხვევაში მერიას საკომპენსაციო რგვები უნდა განეხორციელებინა.
გიორგი ვაშაძე მოუწოდებს თბილისის მერიას და სამართალდამცავ ორგანოებს, მომხდარზე გამოძიება აწარმოონ და მკაცრი რეაგირება მოახდინონ.