ლისის ტბის მიმდებარე ტერიტორიაზე ხანძარი ლიკვიდირებულია, - ამის შესახებ საგანგებო სიტუაციების მართვის სააგენტოს მიერ გავრცელებულ განცხადებაშია ნათქვამი.

როგორც უწყებაში განმარტავენ, ხანძარი 1500 კვადრატულ მეტრზე იყო გავრცელებული.

„შსს-ს საგანგებო სიტუაციების მართვის სააგენტოში, ოპერატიული მართვის ცენტრ 112-დან შემოვიდა შეტყობინება, რომ თბილისში, ლისის ტბის მიმდებარე ტერიტორიაზე ხანძარი გაჩნდა. ცეცხლი ბალახს და მწვანე ნარგავებს მოეკიდა. შეტყობინების მიღებისთანავე, ადგილზე ოპერატიულად გამოცხადდნენ შსს-ს სახანძრო-სამაშველო ჯგუფები. საგანგებო სიტუაციების მართვის სააგენტოს 25-მდე მეხანძრე-მაშველმა 1500-მდე კვადრატულ მეტრზე ხანძრის ლოკალიზება უმოკლეს დროში შეძლო. ხანძრის შედეგად, არავინ დაშავებულა. ამჟამად, ხანძარი ლიკვიდირებულია“, - ნათქვამია განცხადებაში.