NBA-ს რეგულარულ სეზონში დღეს დილით 4 შეხვედრა გაიმართა. ბოლო ხუთი მატჩიდან, მეოთხე მარცხი განიცადა "კლივლენდ კავალიერსმა". მოქმედი ჩემპიონი აშკარად ვერ არის ფორმაში.
კავალერებმა, ამჯერად იუნაიტედ ცენტრში "ჩიკაგო ბულზთან" ანგარიშით 93-99 წააგეს. ზედიზედ მესამე წარუმატებლობის შემდეგ, ტაირონ ლიუს გუნდმა აღმოსავლეთ კონფერენციაში, პირველი ადგილი დაკარგა და ლიდერობა "ბოსტონ სელტიქსს" დაუთმო.
რაც შეეხება ჩიკაგოს, ილინოისელები პლეიოფში მოხვედრის შანსს, ჯერჯერობით ინარჩუნებენ.
"კლივლენდთან" მოგებულ თამაშში "ბულზსს", ნიკოლა მიროტიჩი ლიდერობდა, მისმა მონაგარმა 28 ქულა და 10 მოხსნა შეადგინა.
კლივლენდში 26 ქულა 10 მოხსნა და 8 პასი ლებრონ ჯეიმსმა გააკეთა. ხვალ მორიგ შეხვედრაში, კავალიერსი საკუთარ დარბაზში "ფილადელფია სევენთი სიქსერსის" დამარცხებას შეეცდება, ხოლო "ჩიკაგო ბულზის" მეტოქე, 2 აპრილს, "ატლანტა ჰოქსი" იქნება.