"გოლდენ სტეიტ უორიორზის" მორიგი გამარჯვება ნაციონალური საკალათბურთო ასოციაციის რეგულარულ სეზონში.

ოკლენდელებმა დღეს დილით სტუმრად "იუტა ჯაზი" დაამარცხეს.

სტუმრებმა გადამწყვეტი უპირატესობა პირველივე ტაიმში მოიპოვეს, როდესაც მეტოქეს 19 ქულით გაექცნენ. საბოლოოდ "უორიორზმა" 106-99 გაიმარჯვა.

ამ გუნდში საუკეთესო, სტეფ კარი გახლდათ 26 ქულით. ზაზა ფაჩულიამ თამაში 2 ქულით, 4 მოხსნით და სამი შედეგიანი გადაცემით დაასრულა.

"გოლდენ სტეიტი" მორიგ შეხვედრას, ზეგ ისევ სტუმრად "მემფის გრიზლის" წინააღმდეგ გამართავს.

გუშინვე, ცენტრალურ დაპირისპირებაში "ჩიკაგო ბულზმა" "სან ანტონიო სფერსს" აჯობა 95-91.

აღსანიშნავია, რომ მიმდინარე სეზონში "სან ანტონიომ" სტუმრად, პირველად წააგო.